Gujarati News

રાજકોટ,તા.૩૦: મ્યુ.કોર્પોરેશનની વેરા શાખાને  ચાલુ નાણાકીય વર્ષમાં વ્યવસાય વેરાની કુલ ૨૦.૨૨ કરોડની આવક થવા પામી છે. તંત્રને કુલ ૮૧૩૬ વેપારીઓએ વેરો ભર્યો છે. આ વર્ષે કુલ નવા ૭૧૨૦ તંત્રનાં ચોપડે નોંધાયા છે. વ્યવસાય વેરામાં વ્યાજ માફી યોજનાનો આજે છેલ્લો દિવસ છે. આ અંગે તંત્રની પ્રાપ્ત માહિતી મુજબ રાજય સરકાર દ્વારા વ્યવસાય વેરામાં વ્યાજ માફી યોજના અમલમાં મુકવામાં આવી હતી. આ યોજનાનો આજે છેલ્લો દિવસ છે.  છેલ્લા  છ મહિનામાં શહેરનાં કુલ ૨૦ હજાર વેપારીઓએ કુલ ૨૦.૨૨ કરોડ તંત્રની તીજોરીમાં જમા કરાવ્યા છે.

શહેરનાં કુલ ૮૧૩૬ વ્યવસાયીકોએ આ યોજનાનો લાભ લીધો છે.જેમાં કુલ ૬.૮૯ કરોડનો લાભ આપવામાં આવ્યા છે. મ્યુ.કોર્પોરેશનનાં વેરા શાખાનાં ચોપડે આ વર્ષે કુલ ૭૧૨૦ નવા રજીસ્ટ્રેશન થયા છે.વ્યવસાય વેરાની આવકમાં તંત્રને ગત વર્ષ કરતા આ વર્ષે રૂ.૯.૭૨ કરોડની આવક વધુ થવા પામી છે.