Gujarati News

Gujarati News

News of Tuesday, 30th June 2020

૧૦મા માળેથી પટકાતા તુષારભાઇ વાછાણીનું મોત

સત્યસાઇ હાર્ટ હોસ્પિટલ રોડ પર શ્રી રેસિડેન્સીમાં બનાવઃ એસએનકે સ્કૂલમાં એડમિન વિભાગમાં ફરજ બજાવતા હતાં : વરસાદના પાણીના નિકાલ માટેનો પાઇપ કાપતી વખતે દૂર્ઘટનાઃ એક પુત્ર કેનેડા રહે છેઃ પટેલ પરિવારમાં ગમગીની

જ્યાં દૂર્ઘટના બની તે શ્રી રેસિડેન્સી એપાર્ટમેન્ટ અને બાજુની તસ્વીરમાં ટેબલ તથા તુષારભાઇનો નિષ્પ્રાણ દેહ જોઇ શકાય છે

રાજકોટ તા. ૩૦: સત્ય સાઇ હાર્ટ હોસ્પિટલ રોડ પર શ્રી રેસિડેન્સીમાં રહેતાં અને એસ. એન. કણસાગરા સ્કૂલમાં એડમિન વિભાગમાં ફરજ બજાવતાં પટેલ પ્રોૈઢનું દસમા માળેથી પટકાતાં કમકમાટી ભર્યુ મોત નિપજ્યું છે.

જાણવા મળ્યા મુજબ શ્રી રેસિડેન્સીમાં દસમા માળે ફલેટ નં. ૧૦૦૧માં રહેતાં તુષારભાઇ જયપ્રકાશભાઇ વાછાણી (પટેલ) (ઉ.વ.૫૦) પોતાના ફલેટના રવેશમાંથી પડી જતાં ઘટના સ્થળે જ મોત નિપજ્યાની જાણ થતાં તાલુકા પોલીસ મથકના એએસઆઇ અજીતસિંહ એમ. જાડેજા તથા રાઇટર રિતેશભાઇ પટેલે ઘટના સ્થળે પહોંચી જરૂરી કાર્યવાહી કરી હતી.

પોલીસ તપાસમાં ખુલ્યા મુજબ મૃત્યુ પામનાર તુષારભાઇ એસએનકે સ્કૂલમાં એડમિન વિભાગમાં નોકરી કરતાં હતાં. તેમને સંતાનમાં એક પુત્ર છે. જે કેનેડા રહે છે. પોલીસે આ બનાવ કઇ રીતે બન્યો? તે જાણવા તપાસ કરતાં એવી માહિતી સામે આવી હતી કે તુષારભાઇ પોતાના ફલેટના રવેશમાં ટેબલ રાખી તેના પર ચડી વરસાદના પાણીના નિકાલ માટેનો પાઇપ કાપી રહ્યા હતાં. આ વખતે ધ્યાનભંગ થતાં અકસ્માતે નીચે પટકાયા હતાં. બનાવને પગલે રહેવાસીઓ ભેગા થઇ ગયા હતાં અને ૧૦૮ બોલાવી હતી. પરંતુ તેના ઇએમટી દિનેશભાઇએ તુષારભાઇ વાછાણીને મૃત જાહેર કરતાં કલ્પાંત સર્જાયો હતો. તુષારભાઇ પત્નિ સાથે રહેતાં હતાં. ઘટના અકસ્માતે બન્યાનું હાલ પોલીસ તપાસમાં બહાર આવ્યું છે.

(2:57 pm IST)
  • બિહારમાં નદીઓ ગાંડી તૂર : ભય સપાટીથી ઉપર વહી રહી છેઃ ઉત્તરના મોટાભાગના જિલ્લામાં પૂરની સ્થિતિઃ કોસી નદીની પાણી બ્રીજની લગોલગઃ ૨ જુલાઈ સુધી ભારે વરસાદ ચાલુ રહેવાની ચેતવણીઃ કોસી- બાગમતી- કમલા બલાન અને મહેનંદા ભય સપાટીથી ઉપર ગાંડીતૂર બની વહી રહી છેઃ મુઝફરપુર, કટીહાર, પુર્નીઆ, મધુબની- સતામઢીમાં ઝાંઝપુરમાં અનેક વિસ્તારો પાણીમાં ડૂબ્યાઃ ગંગા નદીની સપાટી વધી રહી છેઃ એનડીઆરએફ અને એસડીઆરએફની ૨૭ ટીમો કામે લાગી access_time 3:49 pm IST

  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST

  • પ્રાંતિજમાં કોરોનના વધુ ચાર કેસ પોઝિટિવ નોંધાયા:હોરવાર ૭૮ વર્ષીય વૃદ્ધા, દેસાઈની પોળ ૪૫ વર્ષીય મહિલા,શેક મોહલ્લામાં ૭૧ વર્ષીય વૃદ્ધા અને પ્રાંતિજ તાલુકાના સોનાસણ ૨૪ વર્ષીય પુરુષને કોરોના વળગ્યો access_time 9:54 pm IST