Gujarati News

Gujarati News

News of Wednesday, 30th May 2018

કાલાવડ રોડ ઉપર ૫૭ દુકાનધારકો પાસેથી ૧૨ કિલો પ્‍લાસ્‍ટીક જપ્‍તઃ ૨૧ હજારનો દંડ

રાજકોટ :. ‘સ્‍વચ્‍છ ભારત મિશન' અંતર્ગત મ્‍યુ. કોર્પોરેશન દ્વારા શહેરમાં સ્‍વચ્‍છતા જળવાઈ રહે તે હેતુથી કોઈપણ જાડાઈની પ્‍લાસ્‍ટિક કેરી બેગ્‍ઝ ઉત્‍પાદન, સંગ્રહ, વેચાણ, વપરાશ પર સંપૂર્ણ પ્રતિબંધ ફરમાવેલ છે ત્‍યારે પ્‍લાસ્‍ટિક કેરી બેગ્‍ઝ તથા પાન માવા પ્‍લાસ્‍ટિક વાપરવા સામે પ્રતિબંધ હોવા છતા વેસ્‍ટ ઝોન ખાતેના કાલાવડ રોડ પર આવેલ મુખ્‍યત્‍વે ૫૭ દુકાનો જેવી કે ડીલકસ પાન, આશાપુરા પાન, સંતોષ ભેળ, ખેતલા આપા ટી સ્‍ટોલ, દયાસાગર પાન, યશ પાન, રાધે ક્રિષ્‍ના પાન, કેરવી પાન, શ્રીજી પાન, ગોકુલ ડેરી ફાર્મ, કાદરીયા પાન, ગણેશ નમકીન, શિવ દાળ પકવાન સહિતના ૫૭ દુકાનધારકો પાસેથી ૧૨ કિલો પ્‍લાસ્‍ટિક કેરી બેગ્‍ઝ તથા પાન માવા પ્‍લાસ્‍ટિક જપ્‍ત કરી ૨૧ હજારનો વહીવટી ચાર્જ વસુલવામાં આવેલ છે. આ કામગીરી રાજકોટ મહાનગરપાલિકા કમિશ્નર શ્રી બંછાનિધિના આદેશ અન્‍વયે વેસ્‍ટ ઝોન નાયબ કમિશ્નર ડી.જે. જાડેજાના માર્ગદર્શન હેઠળ વેસ્‍ટ ઝોનના નાયબ પર્યાવરણ ઈજનેર દિગ્‍વીજયસિંહ તુવરની દેખરેખમાં આસિ. ઈજનેર ભાવેશ ખાંભલાની હાજરીમાં વેસ્‍ટ ઝોન સેનેટરી ઈન્‍સ્‍પેકટર મૌલેશ વ્‍યાસ, કૌશિક ધામેચા, કેતન લખતરીયા તથા એસ.એસ.આઈ. સંજય ચાવડા, નિતીનભાઈ, વિશાલભાઈ, મયુરભાઈ, નિલેશભાઈ વગેરે દ્વારા કરવામાં આવેલ છે.

(4:32 pm IST)
  • દિલ્હીના માલવીયાનગર રહેણાક વિસ્તારમાં છેલ્લા ૧૨ કલાકથી, એક ગોડાઉનમાં લાગેલી વિકરાળ આગ હજુ બેકાબૂ : હજુ સુધી આગ પર કાબુ મેળવી શકાયો નથી : ફાયરબ્રિગેડ તંત્રએ આગ બુઝાવવા માટે હેલીકોપ્ટરની મદદની માંગણી કરી : ગોડાઉનની આસપાસના ઘરોમાં રહેતા લોકોમાં નચી ગઈ અફરાતફરી access_time 9:05 am IST

  • સાઉદી અરબના રિયાદમાં એક હોટલમાં એરઇન્ડિયાના પાયલોટનો મૃતદેહ મળ્યો :ચાલકદળનાં સૂત્રો મુજબ રીત્વિક તિવારી (ઉ,વ,27)નું હોટલના જીમમાં કથિત હૃદયરોગના હાર્ટએટેકના કારણે મૃત્યુ થયું છે access_time 1:37 am IST

  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST