Gujarati News

Gujarati News

News of Wednesday, 30th May 2018

દેવપરામાં બાઇક અથડાવા પ્રશ્ને અણીયારાના શૈલેષભાઇ જાદવને દસ શખ્સોએ માર માર્યો

રજપૂત યુવાન પર હુમલો થતા હાથ-પગમાં ફેકચર

રાજકોટ, તા.૩૦ : સોરઠીયાવાડી સર્કલ પાસે ખરીદી કરી અણીયારા ગામ જતી વખતે દેવપરાચોકમાં બાઇક અથડાવા પ્રશ્ને માથાકુટ થતા રજપૂત યુવાનને દસ શખ્સોએ ધોકા-પાઇપથી હુમલો કરતા તેને સારવાર માટે સિવિલ હોસ્પિટલમાં ખસેડાયો છે.

મળતી વિગત મુજબ તાલુકાના અણીયારા ગામમાં રહેતો શૈલેષ અશોકભાઇ જાદવ (ઉ.વ.૨૩) ગઇકાલે પોતાનું બાઇક લઇને રાજકોટ સોરઠીયાવાડી સર્કલ પાસે ખરીદી કરવા માટે આવ્યો હતો. ખરીદી કરી પરત જતો હતો ત્યારે દેવપરા ચોકમાં એક બાઇક સાથે પોતાનુ બાઇક અથડાતા બંને વચ્ચે બોલાચાલી થયા બાદ અજાણ્યા બાઇક ચાલકે ફોન કરી બોલાવતા દસ જેટલા અજાણ્યા શખ્સોએ આવી શૈલેષને ધોકા અને પાઇપ વડે માર મારી હાથ અને પગમાં ફેકચર જેવી ઇજા કરી ભાગી ગયા હતા. દેકારો બોલતા આસપાસના લોકો એકઠા થઇ ગયા હતા. બાદ તેને સારવાર માટે સિવિલ હોસ્પિટલમાં ખસેડાયો હતો. બનાવની જાણ થતા ભકિતનગર પોલિસે તપાસ હાથ ધરી છે. શૈલેષ આજી વસાહતમાં કારખાનામાં મજૂરી કામ કરે છે. (૨૩.પ)

 

(12:06 pm IST)
  • રાજકોટમાં ગરમીમાં આંશિક ઘટાડો પણ બફારો વધ્‍યો : ૪૦.૪ ડિગ્રી : ભેજનું પ્રમાણ ૩૩ ટકા, ૨૪ કિ.મી.ની ઝડપે ગરમ પવન ફૂંકાઈ રહ્યા છે access_time 4:34 pm IST

  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST

  • સાઉદી અરબના રિયાદમાં એક હોટલમાં એરઇન્ડિયાના પાયલોટનો મૃતદેહ મળ્યો :ચાલકદળનાં સૂત્રો મુજબ રીત્વિક તિવારી (ઉ,વ,27)નું હોટલના જીમમાં કથિત હૃદયરોગના હાર્ટએટેકના કારણે મૃત્યુ થયું છે access_time 1:37 am IST