Gujarati News

Gujarati News

News of Tuesday, 29th September 2020

૬૫ વર્ષના વૃધ્ધા ઓકિસજન વગર સાજા થયાઃ ડો. હેતલ આહિર

કેન્સર હોસ્પિટલ કોવિડ સેન્ટરમાં વધુ ૩ દર્દી સાજા થયા

રાજકોટ : રાજકોટ જિલ્લામાં કોરોનાના દર્દીઓની સારવાર માટે રાજય સરકાર, જિલ્લા વહીવટી તંત્ર અને આરોગ્ય વિભાગના સંકલન હેઠળ અદ્યતન હોસ્પિટલો કાર્યરત છે.

રાજકોટમાં કેન્સર કેર સેન્ટર ખાતે ૨૦૦ બેડની અદ્યતન કોરોના હોસ્પિટલ શરૂ કરવામાં આવી છે. આ કોવીડ હોસ્પિટલમાંથી આજે વધુ ત્રણ દર્દીઓ સાજા થતાં તેમને રજા આપવામાં આવી હતી.

રાજકોટ જિલ્લાના દર્દી સોમાભાઇ નાનજીભાઇ વાઘેલા સ્વસ્થ થતાં તેમના ભત્રીજા અનિલ વાઘેલાએ પ્રતિભાવ આપતાં જણાવ્યું હતું કે કેન્સર કેર હોસ્પિટલમાં કોરોનાની સારવારની બધી જ વ્યવસ્થા છે. મારા કાકાને માત્ર છ દિવસની સારવારમાં રીકવરી આવી ગઇ છે. આજે રાજીપાથી સ્વગૃહે પરત ફરતા આનંદની લાગણી વ્યકત કરી હતી.

ડો. હેતલબેન આહિરે જણાવ્યું હતું કે, ૬૫ વર્ષના પ્રતિભાબેન મોદીને તાવ સહિતના લક્ષણો વખતે વહેલાસર હોસ્પિટલમાં દાખલ થઇ જતા ઓકસિજનની જરૂર વગર જ તેઓ સાજા થઇ ગયાં છે. બીજા એક દર્દી નિરજભાઇ પણ સ્વસ્થ થઇ જતાં રજા આપવામાં આવી હતી.

(3:31 pm IST)
  • 30 સપ્ટે.ના રોજ બાબરી ધ્વંસનો ચુકાદો : ફાંસી થાય તો મંજુર પણ જામીન નહીં માંગુ : કોરોના સંક્રમિત ભાજપ આગેવાન ઉમા ભારતીએ હરિદ્વારથી ભાજપ અધ્યક્ષને પત્ર લખી જાણ કરી access_time 8:24 pm IST

  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST