Gujarati News

Gujarati News

News of Tuesday, 29th September 2020

સિવિલના સ્ટાફને રવિવારે પણ રજા નથી હોતીઃ ડો. દિનેશ ભટ્ટ

સરકારી હોસ્પિટલના સ્ટાફના સગાઓ ખાનગી હોસ્પિટલમાં સારવાર લેતા હોય છે તે માન્યતાને ખોટી ઠેરવતા જામનગરના તબિબ

રાજકોટ તા. ૨૯ : જેમની પુત્રી રાજકોટની પંડિત દીનદયાલ ઉપાધ્યાય હોસ્પિટલ ખાતે મેડીસીન વિભાગમાં આસિસ્ટન્ટ પ્રોફેસર તરીકે ફરજો બજાવે છે,એવા જામનગરના વતની ડો. દિનેશ ભટ્ટે સહર્ષ જણાવ્યું હતું કે,મારા અને તમારા જેવા સામાન્ય માણસોને રવિવારની રજા હોય છે,સિવિલના સ્ટાફને આવી કોઇ પણ પ્રકારની રજા હોતી નથી. તેઓ ૨૪*૭ અને ૩૬૫ દિવસકોરોના સંક્રમિત દર્દીઓની સેવામાં સતત ખડે પગે હાજર જ હોય છે.

પાંચ દિવસ પહેલાં કોરોના પોઝિટિવ આવવાથી ડો. મેધાવી ભટ્ટના પિતાશ્રીને વધુ સારવાર અર્થે રાજકોટની સિવિલ હોસ્પિટલમાં દાખલ કરવામાં આવ્યા હતા. માત્ર પાંચ જ દિવસની સઘન સારવારથી તેઓ કોરોનામુકત થઇ શકયા છે. આ બાબતો રાજીપો વ્યકત કરતાં ડો. દિનેશ ભટ્ટે કહયું હતુંકે,સામાન્ય માણસોના મનમાં ઘર કરી ગયેલી એ વાત હું દૂર કરવા માંગુ છું કે,સરકારી હોસ્પિટલના ડોકટર્સ તેમના ઘરનાં સભ્યોની સારવાર અન્ય ખાનગી હોસ્પિટલમાં કરાવે છે. મારી દીકરી સરકારી હોસ્પિટલમાં નોકરી કરે છે,તેમ છતાં હું છેક જામનગરથી અહીં સારવાર લેવા આવ્યો છું. મેં ધાર્યું હોત તો હું સાવ સરળતાથી જામનગરની ખાનગી હોસ્પિટલમાં સારવાર લઇ શકત,પરંતુમારી દીકરી જયાં નોકરી કરે છે ત્યાં જ સારવાર લેવાનું મેં ઉચિત માન્યું,અને આજે હું માત્ર પાંચ જ દિવસમાં કોરોનાને હરાવી શકયો છું.

અહીંના ડોકટર્સ, નર્સ, એટેન્ડન્ટસ, સર્વન્ટસ વગેરે તમામ સ્ટાફની ફરજનિષ્ઠાની ખૂબ સરાહના કરી હતી.

(3:29 pm IST)
  • ફ્રેન્ચ ઓપનમાં જબરો અપસેટ : એન્ડી મરે પ્રથમ રાઉન્ડમાં જ બહાર : ફ્રેન્ચ ઓપનમાં બ્રિટનના એન્ડી મરે પ્રથમ રાઉન્ડમાં જ બહાર ફેંકાઈ ગયો છે : વાવરીન્કાએ મરે ને એક કલાક અને ૩૭ મિનિટમાં ૬-૧, ૬-૩, ૬-૨થી હરાવી બીજા રાઉન્ડમાં પ્રવેશ કર્યો હતો access_time 3:11 pm IST

  • જમ્મુ-કાશ્મીરના અનંતનાગમાં ત્રાસવાદીઓ સાથેની અથડામણ ચાલુઃ ત્રાસવાદીઓને ઘેરી લેવાયા access_time 4:04 pm IST

  • ' જનોઈની કસમ ,આ વખતે બીજેપી ને વોટ નહીં ' : અયોધ્યામાં નિર્માણ પામી રહેલા શ્રી રામ એરપોર્ટ માટે સંપાદન કરાયેલી જમીનનું યોગ્ય વળતર ન મળ્યું : જબરદસ્તી સહીઓ લેવાઈ ગઈ : ખેડૂતોનો ઉગ્ર આક્રોશ : સમાજવાદી પાર્ટીએ ખેડૂતોના હક્ક માટે લડત આપવા તૈયારી બતાવી access_time 7:41 pm IST