Gujarati News

Gujarati News

News of Tuesday, 29th September 2020

સારવારમાં સહકાર ન આપતાં દર્દીઓ સાથે પણ તબિબો સમભાવ પુર્વક વર્તે છેઃ રેશ્માબેન

'અહીં બધી ટ્રીટમેન્ટ મફત મળતી હોય છે,એટલે ઘણાં દર્દીઓ ડોકટર્સને કોરોનાની સારવારમાં સહકાર આપતા નથી,ઉલ્ટાનું તેમની સાથે જેમ-તેમ બોલીને તેમનું અપમાન કરે છે,તો પણ અહીંના ડોકટરો અને નર્સ બહેનો તેમનું બોલેલું નજરઅંદાજ કરીને સમભાવપૂર્વક તેમની સેવા કરે છે.મારા મતે તો આ તમામ ડોકટર્સ ઇબાદતના અધિકારી છે',એમ રેશમાબેન મલેકે કહયું હતું. નહેરૂનગરના રહેવાસી રેશમાબેને દર્દીઓની ગેરવર્તણૂક બાબતે રોષ પ્રગટ કરતાં જણાવ્યું હતું કે,અહીં સાવ મફતમાં મળતી સારવાર પ્રત્યે સરકારનો આભાર માનવાને બદલે અમુક દર્દીઓ અહીંના ડોકટર્સ અને નર્સ સાથે કારણ વગરની બાબતે ખૂબ માથાકુટ કરતા હોય છે. કોઇકને ચટાકેદાર જમવું હોય છે,કોઇને બહાર ફરવા જવું હોય છે,તો કોઇને વળી તેમનાં સગાંને મળવા હોસ્પિટલમાં બોલાવવા હોય છે. સામાન્ય માણસ પણ અકળાઇ જાય તેવી અહીંના કોરોનાના દર્દીઓની માંગણીઓ હોય છે.  અહીંના ડોકટર્સ આવા દર્દીઓને ખૂબ શાંતિથી સમજાવે છે,અને તેમને અહીંના નિયમોથી વાકેફ કરીને શાંતિપૂર્વક સારવાર લેવાનો આગ્રહ રાખે છે. ખરેખર જ,તેઓ માનવતાના સાચા પુજારી છે.

(3:27 pm IST)
  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST

  • 30 સપ્ટે.ના રોજ બાબરી ધ્વંસનો ચુકાદો : ફાંસી થાય તો મંજુર પણ જામીન નહીં માંગુ : કોરોના સંક્રમિત ભાજપ આગેવાન ઉમા ભારતીએ હરિદ્વારથી ભાજપ અધ્યક્ષને પત્ર લખી જાણ કરી access_time 8:24 pm IST