Gujarati News

Gujarati News

News of Tuesday, 29th September 2020

મીકેનીકલ એન્જીનીયરીંગમાં વિપુલ તકો

એવરગ્રીન બ્રાંચ પ્રથમ પસંદગી બની રહી છે : સાવલીયા-પારેખ-રૈયાણી-દેશકરે

રાજકોટ તા. ૨૯ : કોરોના મહામારીના સમયમાં ભારત સહિત વિશ્વનો જીડીપી વિકાસ દર જયારે માઇનસમાં જઇ રહ્યો છે ત્યારે મીકેનીકલ એન્જીનીયરીંગનું હબ ગણાતા સૌરાષ્ટ્ર કચ્છમાં આગામી દાયકામાં મીકેનીકલ એન્જીનીયરીંગની આવતીકાલ કેવી રહેશે તે અંગે ત્રણ યુવા ઉદ્યોગપતિ સાથે વીવીપી એન્જી. કોલેજ દ્વારા કરાયેલ રસપ્રદ છણાવટના અંશો અહીં રજુ છે.

શાપર વેરાવળ સ્થિત કાવ્યમ એનર્જી પ્રા.લી.ના મેનેજીંગ ડીરેકટર આનંદભાઇ સાવલીયાએ મીકેનીકલ એન્જીનીયરીંગમાં ઉપલબ્ધ તકો વિષે વાત કરતા જણાવેલ કે સમગ્ર સૌરાષ્ટ્ર કચ્છ મીકેનીકલ એન્જીનીયરીંગનું હબ છે. ઓટોમોબાઇલનાં મોટા ભાગનાં પાર્ટસનું ઉત્પાદન મીકેનીકલ એન્જીનીયરીંગને આભારી છે. ઓટોમોબાઇલનું હ્ય્દય મીકેનીકલ એન્જીનીયરીંગ છે. અનેક શાખાઓમાં મીકેનીકલ એન્જીનીયર માટે વિપુલ તકો છે.

ઓમ્નીટેક એન્જીનીયરીંગ પ્રા.લી.ના મેનેજીંગ ડીરેકટર ઉદયભાઇ પારેખે જણાવેલ કે ભારત આત્મ નિર્ભર બનવા જઇ રહ્યુ છે. ત્યારે 'વોકલ ફોર લોકલ'ની સ્વદેશી ભાવના બળવતર બની રહી છે. તેમાં પણ આગામી દશકો મીકેનીકલ એન્જીનીયરો માટે સુવર્ણકાળ બની રહેશે.

રેડ્રેન એનર્જી પ્રા.લી.ના મેનેજીંગ ડીરેકટર પ્રજ્ઞેશ રૈયાણીએ નવીનતમ વ્યવસાય વિષે વાત કરતા જણાવેલ કે આગામી યુગ સોલાર એનર્જીનો છે. ભારત સરકારે વિશ્વનો સૌથી મોટો રીન્યુએબલ એનર્જી એકસ્પાન્શન પ્રોગ્રામ રજુ કર્યો છે. આજનો સમય સોલાર પંપીંગ, સોલાર વોટર હીટીંગ સીસ્મટમનો છે. સરકાર ખેતીવાડીમાં ઇરીગેશન માટે ૧૦ લાખ સોલાર પંપની યોજના લાવી છે. આ બધુ જોતા મીકેનીકલ એન્જીનીયર માટે શ્રેષ્ઠ રોજગારની તકો ઉભી થશે.

અંતમાં વીવીપી એન્જીનીયરીંગ કોલેજના આચાર્ય ડો. જયેશ દેશકરે જણાવેલ કે એન્જીનીયરીંગના ભણતર ઉપરાંત પ્રેકટીકલ ટ્રેનીંગ ખુબ જરૂરી છે. સૌરાષ્ટ્ર કચ્છ મીકેનીકલ એન્જીનીયરીંગ હબ હોવાના કારણે અભ્યાસક્રમ સાથે પ્રેકટીકલ ટ્રનિંગનો સુભગ સમન્વય થવાથી ૧૦૦ ટકા પ્લેસમેન્ટની ઉજવણી તકો રહેલી છે.

(3:22 pm IST)
  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST