Gujarati News

Gujarati News

News of Tuesday, 29th September 2020

રાજકોટ ડેરીના ચેરમેનની પ્રતિષ્ઠાને નુકશાન કરવા અંગે કિસાન સંઘના પ્રમુખને નોટીસ

સમાજમાં બદનક્ષી કરવા અંગે એક કરોડની નોટીસ આપી

રાજકોટ તા. ર૯: સમગ્ર ગુજરાતમાં પ્રતિષ્ઠીત એવી રાજકોટ ડેરીનાં ચેરમેન અને ભારતીય જનતા પાર્ટીના જીલ્લાનાં અગ્રણી ગોવિંદભાઇ રાણપરીયાએ પોતાની તેમજ ડેરીની આબરૂ, પ્રતિષ્ઠાને નુકશાન પહોંચાડવા બદલ કિશાન સંઘનાં પ્રમુખ દ્વારા કરવામાં આવેલા આક્ષેપો બદલ તેની સામે એક કરોડ રૂપિયાની બદનક્ષી સંબંધે નોટીશ ફટકારતા ચકચાર જાગી ગયેલ છે.

છેલ્લા થોડા વખતથી રાજકોટની અંદર ચાલતી ખુબ જ નામાંકીત ડેરીને આબરૂ અને પ્રતિષ્ઠાને નુકશાન કરવા બદલ અને તેમના ચેરમેનની સમાજમાં આબરૂ અને પ્રતિષ્ઠાને નાણામાં ન આંકી શકાય તેટલું નુકશાન કરવા બદલ કીશાન સંઘ દ્વારા વિવિધ મીડીયા અને ઇલેકટ્રોનીક મીડીયા દ્વારા બોગસ અને બેહુદા માનહાની કરી અને હીન પ્રકારનાં કૃત્ય કીશાન સંઘનાં પ્રમુખ તથા અન્યો દ્વારા જાહેરમાં કરવામાં આવેલ હોય ડેરીનાં ચેરમેને તેમની સામે કરવામાં આવેલ આક્ષેપો સંબંધે નોટીસ ફટકારેલ છે.

કીશાન સંઘનાં પ્રમુખ દ્વારા કરવામાં આવેલા ધૃણા જનક આક્ષેપોથી ચેરમેન તથા ડેરીનું અને ડેરીની પ્રોડકટનું સમાજમાં, કુટુંબમાં, કર્મચારીઓમાં તેમજ સમગ્ર ગુજરાતમાં નાણામાં ન આંકી શકાય તેટલી રકમની આબરૂ અને પ્રતિષ્ઠાને બોગસ અને બેબુનીયાદ આક્ષેપોથી નુકશાન થયેલ છે જે આક્ષેપો ખોટા છે તેમ જાણવા છતાં પ્રસિધ્ધ કરાવી અને ચેરમેન અને ડેરીની બદનક્ષી કરેલ હોય અને બદનામી કરેલ હોય ચેરમેન ગોવિંદભાઇ રાણપરીયા દ્વારા નોટીશ આપવામાં આવેલ હતી.

(3:19 pm IST)
  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST

  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST

  • IPLમાં કુલ ૩૪૯૮ રન બન્યા : ૧૫૩ છગ્ગાઓ લાગ્યા : ૨૨૨ રન સાથે લોકેશ રાહુલ ટોચ ઉપર : ગઈકાલ સુધી આઈપીએલમાં ૧૦ મેચ રમાયા : ૨૩૭૯ બોલ ફેંકાયા : જેમાંથી ૩૪૯૮ રન બન્યા : ૧૨૧ વિકેટો પડી : ૧૫૩ છગ્ગાઓ, ૨૭૧ ચોગ્ગા લાગ્યા : ૨૩ ફીફટી અને ૨ સદી બની : ૨૨૨ રન સાથે લોકેશ રાહુલ ટોચના સ્થાને છે access_time 3:11 pm IST