Gujarati News

Gujarati News

News of Tuesday, 29th September 2020

કયારે વાગશે તાલઃ વાજીંત્રોની દુકાનો ખાલીખમ્મ

રાજકોટ : સામાન્ય રીતે હાલના સમયમાં નવરાત્રી નજીક આવતી હોય તેથી વાજીંત્રોની દુકાનોમાં ચહલ-પહેલ રહે છે. પણ કોરોનાના કારણે નવરાત્રી મહોત્સવ (પ્રાચીન-અર્વાચીન) ન યોજાય તેવ પરિસ્થિતિ છે. તેથી વાજીંત્રોની દુકાનમાં ગ્રાહકો દેખાતા નથી. ગણપતિ ઉત્સવના જાહેર આયોજનો પણ પ્રતિબંધીત હોવાથી વાજીંત્ર બજારને ઘણી મુશ્કેલીઓ પડી હતી. નવરાત્રી દરમિયાન કલાકારો અને લોકો દ્વારા પણ ઢોલ-નગારા-મંજીરા સહિતના પરંપરાગત વાજીંત્રોની ખરીદી-મરામત કરાવામાં આવતી હોય છે જે હાલ ઠપ્પ છે. તસ્વીરમાં શહેરના રામનાથપરા વિસ્તારમાં આવેલ વાજીંત્રોની દુકાનમાં વેપારી ગ્રાહકની રાહમાં દર્શાય છે. (તસ્વીર : અશોક બગથરીયા)

(12:55 pm IST)
  • ફ્રેન્ચ ઓપનમાં જબરો અપસેટ : એન્ડી મરે પ્રથમ રાઉન્ડમાં જ બહાર : ફ્રેન્ચ ઓપનમાં બ્રિટનના એન્ડી મરે પ્રથમ રાઉન્ડમાં જ બહાર ફેંકાઈ ગયો છે : વાવરીન્કાએ મરે ને એક કલાક અને ૩૭ મિનિટમાં ૬-૧, ૬-૩, ૬-૨થી હરાવી બીજા રાઉન્ડમાં પ્રવેશ કર્યો હતો access_time 3:11 pm IST

  • IPLમાં કુલ ૩૪૯૮ રન બન્યા : ૧૫૩ છગ્ગાઓ લાગ્યા : ૨૨૨ રન સાથે લોકેશ રાહુલ ટોચ ઉપર : ગઈકાલ સુધી આઈપીએલમાં ૧૦ મેચ રમાયા : ૨૩૭૯ બોલ ફેંકાયા : જેમાંથી ૩૪૯૮ રન બન્યા : ૧૨૧ વિકેટો પડી : ૧૫૩ છગ્ગાઓ, ૨૭૧ ચોગ્ગા લાગ્યા : ૨૩ ફીફટી અને ૨ સદી બની : ૨૨૨ રન સાથે લોકેશ રાહુલ ટોચના સ્થાને છે access_time 3:11 pm IST

  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST