Gujarati News

Gujarati News

News of Tuesday, 29th September 2020

આર્થિક સંકડામણ સામે હારી ગયોઃ બાબરાના વાવડીના યુવાન લાખાએ મોત મેળવી લીધું

રાજકોટ તા. ૨૯: બાબરાના વાવડી ગામમાં રહેતાં લાખા વિરજીભાઇ પરમાર (વાળંદ) (ઉ.વ.૩૦) નામના યુવાને એસિડ પી આપઘાત કરી લેતાં પરિવારમાં શોક છવાઇ ગયો છે. કોરોના કાળમાં શરૂ થયેલા લોકડાઉનને કારણે કામધંધામાં સતત મંદી હોઇ આર્થિક સંકડામણ ઉભી થતાં કંટાળીને આ પગલુ ભર્યાનું તેના પરિવારજનોએ કહ્યું હતું.  લાખાએ ગઇકાલે સવારે નવેક વાગ્‍યે ઘરે હતો ત્‍યારે એસિડ પી લેતાં બાબરા સારવાર અપાવી રાજકોટ સિવિલ હોસ્‍પિટલમાં ખસેડાયો હતો. પરંતુ અહિ મોત નિપજ્‍યું હતું. હોસ્‍પિટલ ચોકીના સ્‍ટાફે આ અંગે બાબરા પોલીસને જાણ કરી હતી. આપઘાત કરનાર યુવાન ત્રણ ભાઇમાં નાનો હતો અને વાળંદ કામ કરી ગુજરાન ચલાવતો હતો. લોકડાઉન ખુલ્‍યા પછી પણ વાળંદ કામનો ધંધો બરાબર જામતો ન હોઇ આર્થિક ભીંસ ઉભી થતાં લાખો હિમત હારી ગયો હતો અને આ પગલુ ભરી લીધાનું તેના પરિવારજનોએ કહ્યું હતું. બાબરા પોલીસ વધુ તપાસ કરે છે.

(11:52 am IST)
  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST