Gujarati News

Gujarati News

News of Friday, 29th June 2018

અમે ઇન્દ્રનિલભાઇ સાથે નથીઃ ધર્મિષ્ઠાબા-મયુરસિંહ જાડેજા

વોર્ડનં.૧૮ના કોંગી કોર્પોરેટરે શહેર પ્રમુખને પત્ર પાઠવી અને જણાવ્યું કે 'અમારૂ ઇન્દ્રનિલભાઇને સમર્થન નથી અમે રાજીનામું નહિ આપીએ'

રાજકોટ, તા. ,૨૯: શહેર કોંગ્રેસના પ્રમુખ અને ધારાસભ્ય ઇન્દ્રનિલ રાજયગુરુએ કોંગ્રેસમાંથી રાજીનામું આપ્યા બાદ ધડાધડ રાજીનામા પડી રહયા છે ત્યારે શહેરનાં વોર્ડ નં. ૧૮ના કોર્પોરેટર ધર્મિષ્ઠાબા મયુરસિંહ જાડેજાએ શહેર કોંગ્રેસનાં પ્રમુખ મહેશ રાજપુતને પત્ર પાઠવી અને ઇન્દ્રનિલભાઇ સામે બેફામ આક્ષેપો કર્યા છે અને તેઓ ઇન્દ્રનિલભાઇની સાથે નહી હોવાનું અને તેઓને સમર્થન નથી આપ્યું તેવું પત્રમાં જણાવ્યું છે.

આ પત્રમાં ધર્મિષ્ઠાબા જાડેજા તથા કોંગી અગ્રણી મયુરસિંહ જાડેજા એ જણાવ્યું છે કે, જે ઇન્દ્રનીલભાઇ રાજયગુરૂના સમર્થનમાં જે નગરસેવક દ્વારા રાજીનામા આપવાની વાત કરવામાં આવી છે તે નીંદનીય છે પરંતુ આમા તથ્ય કેટલું છે તે કોઇ જાણતું નથી ભુતકાળમાં પણ ધારાસભા ની ટીકીટ વહેંચણી વખતે ઇન્દ્રનીલભાઇ દ્વારા નગર સેવકોનો ઉપયોગ કરવામાં આવ્યો હતો

 પત્રમાં વધુમાં જણાવ્યું છેકે, પક્ષ પ્રમુખ દ્વારા સાચી તપાસ કરવામાં આવે તો આ નગરસેવકો માંથી ઘણા એવા હશે જેમને રાજીનામાની જાણ પણ નહી હોય અને જો હંમેશા પક્ષના હિતમાં સાથે રહેતા હશે. વારંવાર આવા બનાવો બનવાને કારણે કયાંક ને કયાંક કોંગ્રેસ નગર સેવકોમાં વિખવાદ ઉભો કરવામાં આવે છે. આવા લોકોને હું કયારેય સમર્થન નથી કરતી કોંગ્રેસ કોઇ વ્યકિત નહી પરંતુ એક વિચારધારા છે. અને કોઇ વ્યકિત થી કોંગ્રેસ નથી પરંતુ કોંગ્રેસ પક્ષને લીધે વ્યકિત ની ઓળખાણ છે તે ભુલવું ન જોઇએ પક્ષ દ્વારા ઇન્દ્રનીલભાઇ તથા તેની ટીમ આટલું મળવા છતાં જે તેઓ પક્ષનો વિરોધ કરતા હોય તો એક કોંગ્રેસી  તરીકે અમે એને કયારેય સમર્થન નથી આપતા. માટે પક્ષનાં હિતમાં આ પ્રશ્નનો ઉકેલ લાવવામાં આવે તો ખરા અર્થમાં રાજકોટ શહેરમાં જુથવાદ નોં અંત આવે તેમ પત્રમાં અંતે જણાવ્યું છે.

(3:48 pm IST)
  • લાલુને ઇલાજ માટે હાઇકોર્ટ તરફથી બીજી વખત મળી ૬ સપ્તાહની પ્રોવિઝનલ બેલઃ ૧૧ મી મેથી જામીન ઉપર છેઃ હવે ૧૭ ઓગસ્‍ટ સુધી રાહતઃ ૬ માંથી ૪ કેસમાં થઇ છે સજા access_time 3:44 pm IST

  • અમેરિકામાં ભારતીય સોફ્ટવેર એન્જીનીયર પર ઇન્સાઇડર ટ્રેડિંગનો આરોપ :યુનાઇટેડ સ્ટેટ્સ માર્કેટ્સ રેગ્યુલેટરે ભારતીય સોફ્ટવેર એન્જિનિયરિંગ મેનેજર સુધાકર રેડ્ડી બોન્થુ પર ઇનસાઇડર ટ્રેડિંગના આરોપ મૂક્યો :સુધાકર રેડ્ડી બોન્થુ પર વાયદા બજાર અંગે તેના માલિક પાસેથી વિશ્વસનીય માહિતી મેળવીને અયોગ્ય રીતે જંગી ફાયદો મેળવવાનો આરોપ મૂકવામાં આવ્યો છે. access_time 1:16 am IST

  • જગન્નાથની રથયાત્રા પુર્વે નરોડા કેનાલ નજીક હથિયારો સાથે ૨ની ઘરપકડ : અમદાવાદ રથયાત્રા પુર્વ નરોડા કેનાલ નજીકથી હથિયારો સાથે ૮ પૈકી ૨ લોકોની ઘડપકડઃ ક્રાઇમ બ્રાન્ચે ૬ પિસ્તલ, ૨ રીવોલ્વર, ૪ મેગેઝીન, ૧૦૧ કાર્ટિસ જપ્ત કર્યા access_time 4:08 pm IST