Gujarati News

Gujarati News

News of Friday, 29th June 2018

અંબાજી કડવા પ્‍લોટમાં પટેલ વૃધ્‍ધના મકાનમાં દરોડોઃ જુગાર રમતા ૪ પકડાયા

મકાન માલીક અરજણ પટેલ, દીપક શીંગાળા, મહેશ રામાણી અને મહિપતસિંહ ઝાલાની ધરપકડ

રાજકોટ તા.૨૯: અંબાજી કડવા પ્‍લોટ મેઇન રોડ પર રહેતા પટેલ વૃધ્‍ધના મકાનમાં માલવીયાનગર પોલીસે દરોડો પાડી જુગાર રમતા ચાર શખ્‍સોને પકડી લીધા હતા.

મળતી વિગત મુજબ માલવીયાનગર પોલીસ મથકના પીઆઇએન.એન. ચુડાસમાની સૂચનાથી ડીસ્‍ટાફના પીએસઆઇ યુ.બી જોગરાણા, તથા રાહીદભાઇ, દીલીપસિંહ, મયુરસિંહ, ઇન્‍દુભા, કુલદીપસિંહ અને હરપાલસિંહ સહિત પેટ્રોલીંગમાં હતા. ત્‍યારે પીએસઆઇ જોગરાણા અને કુલદીપસિંહને મળેલી બાતમીના આધારે અંબાજી કડવા પ્‍લોટ મેઇન રોડ પર રહેતા અરજણ બોધાભાઇ પટેલ (ઉ.વ.૬૭)ના મકાનમાં દરોડો પાડી તીનપતીનો જુગર રમતા મકાનમાલીક અરજણ પટેલ તથા નવલનગર પાસે વિનાયકનગર-૨નો દીપક જયંતીભાઇ શીંગાળા (ઉ.વ.૫૦), ૮૦ ફુટ રોડ શ્રધ્‍ધાપાર્ક-૧નો મહેશ કરશનભાઇ રામાણી (ઉ.વ.૬૦) તથા ચંદ્રેશનગર-૭ના મહિપતસિંહ ભાવસિંહ ઝાલા (ઉ.વ.૫૨)ને પકડી લઇ રૂા.૧૨,૭૮૦ની રોકડ સહિતની મતા કબ્‍જે કરી કાર્યવાહી કરી હતી.

(1:12 pm IST)
  • આદિપુર મહિલા પોલીસ સ્ટેશનમાં ફરજ બજાવતા મહિલા પીએસઆઇ અને મહિલા કોન્સ્ટેબલ લાંચ લેતા ઝડપયા:મહિલા પોલિસ સ્ટેશનના PSI કે.આર.વાધેલા અને એક કોન્સ્ટેબલ 3000 ની લાંચ લેતા પાટણ ACB એ ઝડપ્યા access_time 10:38 pm IST

  • ઉપરાષ્ટ્રપતિ એમ વેંકૈયા નાયડૂ આજે પીસી મહાલનોબિસ જયંતીની 125મી વર્ષગાઠ અને સ્ટેટિસ્ટિક્સ ડેએ તેમના સન્માનના ભાગરૂપે રૂપિયા 125નો સિક્કો જાહેર કરશે. આ ઉપરાંત આજે રૂપિયા પાંચના પણ નવા સિક્કા જાહેર કરવામાં આવશે. નોંધનીય છે કે, મહાલનોબિસ જયંતીને સ્ટેટિસ્ટિક્સ ડે તરીકે મનાવવામાં આવે છે. કારણ કે ભારતીય સ્ટેટિસ્ટિક્સ સંસ્થાની સ્થાપના મહાલનોબિસે 1931માં કરી હતી. access_time 1:39 pm IST

  • ઓમાનના કુરિયાતમાં 24 કલાક સુધી ૪૨.૬ ડિગ્રી સેલ્સિયસ તાપમાન :હવામાન વિજ્ઞાનીઓનું કહેવું છે કે આ સૌથી ગરમ લઘુતમ તાપમાન છે, જે આ પહેલાં ક્યારેય નોંધાયું ન હતું:કુરિયાતના નામે દેશમાં સૌથી ગરમ દિવસનો વિક્રમ નોંધાયેલો છે.: ગયા મે ૨૦૧૭માં કુરિયાતમાં તાપમાન ૫૦.૮ ડિગ્રી સેન્ટિગ્રેડ સુધી પહોંચી ગયું હતું access_time 1:19 am IST