Gujarati News

રાજકોટ તા. ૨૯: લોહાણા મહાજન રાજકોટની ચૂંટણીમાં પ્રમુખપદના ઉમેદવારી ફોર્મ ભરીને પરત આપવાની ગઇકાલે છેલ્લી તારીખ હતી. જેમાં કુલ ૩૬ ઉમેદવારી ફોર્મ ભરાઇને પરત આવ્‍યા છે. કુલ ૪૮ ઉમેદવારી ફોર્મ ઉપડયા હતા. આવતીકાલ તા. ૩૦ જુન શનિવારના રોજ સાંજ સુધીમાં ભરેલા ફોર્મ તથા ઉમેદવારી પાછા ખેંચી શકાશે. તા. ૧ જુલાઇ, ૨૦૧૮ ના રોજ સવારે મહાજનવાડીના નોટીસ બોર્ડ ઉપર ચૂંટણી લડતા તમામ ઉમેદવારોનું ફાઇનલ લીસ્‍ટ મુકવામાં આવશે. તે જ દિવસે સાંજે નિરીક્ષકો (ચૂંટણી કમિશ્નર) દ્વારા ચૂંટણી લડતા તમામ ઉમેદવારોની એક મિટીંગ રાખેલ હોવાનું પણ જાણવા મળેલ છે.

મહાજન પ્રમુખપદની ચૂંટણી માટે જે ઉમેદવારોએ ફોર્મ ભરીને પરત આપ્‍યા છે તેમાં મુકેશભાઇ ડી. પૂજારા, વિપુલકુમાર એલ. ભોજાણી, નિખિલભાઇ આર. પોપટ, તૃપ્તીબેન ડી. રાજવીર, જનકભાઇ એમ. કોટક, પ્રશાંતભાઇ એલ. સૂચક, જીતેન્‍દ્રભાઇ પી. રાયજાદા, હરેશભાઇ એસ. પૂજારા, પરેશભાઇ પી. શીંગાળા, વિજયભાઇ એન. કાબાણી, ઘનશ્‍યામભાઇ સી. કારીયા, સુરેશભાઇ જી. મણિયાર, સંજયભાઇ પી. લાખાણી, બિપીનભાઇ જે. રૂઘાણી, નિલેષભાઇ આર. જોબનપુત્રા, અજયભાઇ એમ. દેવાણી, દિપકકુમાર એન.ચાંદ્રાણી, હરેશકુમાર કે. દાવડા, રાજેન્‍દ્રભાઇ સી. ઠક્કર, નિલેષભાઇ કે. તન્ના, યોગેશભાઇ એચ. પૂજારા, રાજેન્‍દ્રભાઇ પી. પોબારૂ, દિલીપભાઇ બી. ચતવાણી, રમેશચંદ્ર ડી. ધામેચા, અશોકકુમાર એમ. સચદે, મિતેષભાઇ આર. રૂપારેલીયા, પારૂલબેન એન. જોબનપુત્રા, કલ્‍પેશભાઇ કે. તન્ના, અશોકભાઇ એચ. કુંડલીયા, બાલકૃષ્‍ણભાઇ (બલરામભાઇ) સી. કારીયા, બિપીનચંદ્ર કે. રેલીયા, હસમુખભાઇ બી. બલદેવ, બિપીનભાઇ પી. પોપટ, કલ્‍પેશભાઇ જે. કુંડલીયા, વિરલભાઇ ડી. અઢીયા તથા દિપકભાઇ પી. મદલાણીનો સમાવેશ થાય છે. પ્રતાપભાઇ કોટક દ્વારા ઉમેદવારી ફોર્મ ઉપાડવામાં આવ્‍યું હતું. પરંતુ ફોર્મ ભરાઇને પરત ન આવતા અમુકને આﾍર્ય થયું હતું.

તા. ૮ જુલાઇના રોજ યોજાનાર લોહાણા મહાજન રાજકોટની પ્રમુખપદની ચૂંટણીમાં એક સાથે ૩૬ જેટલા ઉમેદવારી ફોર્મ ભરાયા છે તે એક વિક્રમ જ કહી શકાય. લોહાણા મહાજન રાજકોટના ઇતિહાસમાં પ્રમુખપદની ચૂંટણીમાં એક સાથે ૩૬ જેટલાં ઉમેદવારો લડતા હોય તેવો કદાચ આ પ્રથમ બનાવ હશે. ચૂંટણીને કારણે સમગ્ર સમાજમાં ઉત્તેજનાભર્યો માહોલ છવાઇ ગયો છે.