Gujarati News

Gujarati News

News of Friday, 29th May 2020

કીટીપરા વિસ્તારમાં આવેલ પોઝિટિવ કેસની તંત્ર ગંભીરતા લે : કોંગ્રેસ

વોર્ડ નં. ૩ના વિવિધ વિસ્તારમાં આરોગ્ય ચેકઅપ સહિતના પગલા લેવા કોર્પોરેટર દિલીપ આસવાણીની માંગ આ વિસ્તારમાં આરોગ્ય સર્વે કરવા માંગ કરી છે

રાજકોટ તા. ૨૯ : વોર્ડ નં. ૩ના કીટીપરા વિસ્તારમાં ગઇકાલે કોરોના પોઝીટીવ કેસ નીકળતા કોંગ્રેસના કોર્પોરેટર દિલીપભાઇ આસવાણીએ તુરંત જ તંત્રને આ કેસને બીજા કેસની માફક ન ગણવા આ અંગે દિલીપભાઇએ જણાવ્યું હતું કે, આ વિસ્તારમાં જો આ વધુ પોઝીટીવ કેસ નીકળશે તો આ બધા સુપર સ્પ્રેડર બની શકે છે. કારણ કે આ વિસ્તારના લોકો બકાલી (શાકભાજી) તેમજ ભંગારના વ્યવસાય સાથે જોડાયેલા હોય છે.  જેથી આ લોકો દ્વારા આજુબાજુના તમામ વિસ્તારો જેવા કે જંકશન પ્લોટ, ગાયકવાડી, હંસરાજનગર, સિંધી કોલોની, પરસાણાનગર, જુલેલાલનગર, બેડીનાકા, રેલનગર સુધીના તમામ વિસ્તારો તેમજ સમગ્ર રાજકોટ માટે જોખમી બની શકે છે. આની ગંભીરતાને ધ્યાને લઇ કોર્પોરેટર દિલીપભાઇ આસવાણીએ કમિશનરને તુરંત જ આ વિસ્તારમાં વધુમાં વધુ કેસ ન થાય તેમજ સમગ્ર વિસ્તારનો રેપીડ સર્વે થાય. તેમજ બીજા જે પણ સઘન પગલા લેવા માંગણી કરેલ છે. દિલીપભાઇ આસવાણી તુરંત જ કીટીપરા વિસ્તારની મુલાકાત લઇ તેઓને પણ આમા તંત્રને સહકાર આપવા અપીલ કરી છે.

(3:08 pm IST)
  • છત્તીસગઢના પૂર્વ મુખ્યમંત્રી અજીત જોગીનું દુઃખદ અવસાન access_time 4:32 pm IST

  • ભારતમાં કોરોનાએ ફૂફાડો માર્યો : છેલ્લા 24 કલાકમાં આજે અત્યાર સુધીના સૌથી વધુ 8101 કેસ વધ્યા: રાત્રે 12-30 વાગ્યા સુધીમાં દેશમાં કોરોનાના કુલ 1, 73,458 કેસ નોંધાયા : 85,840 એક્ટિવ કેસ : રિકવરીમાં જબરો વધારો :11,729 દર્દીઓ રિકવર થયા જબરો વધારો : કુલ 82,627 દર્દીઓ રિકવર થયા :વધુ 269 દર્દીના મોત સાથે કુલ મૃત્યુઆંક 4980 થયો :મહારાષ્ટ્રમાં સૌથી વધુ નવા 2682 કેસ સાથે કુલ સંક્રમિતની સંખ્યા 62,228 થઇ : તામિલનાડુમાં નવા 874 કેસ :દિલ્હીમાં 1105 નવા કેસ નોંધાયા access_time 12:53 am IST

  • મોદી - શાહ વચ્ચે મહત્વની બેઠક : લોકડાઉન-૫ પૂર્વે આજે અત્યારે ૧૧ાા વાગે ગૃહપ્રધાન અમિતભાઇ શાહ વડાપ્રધાનને મળી રહયાનું જાણવા મળે છે. આ પૂર્વે અમિતભાઇએ તમામ રાજયોના મુખ્યમંત્રીઓ સાથે મંત્રણા કરી લોકડાઉન અંગે તેમના મન જાણ્યા હતા. ૩૧ મે પછી કોરોના અંગે શું રણનીતી અમલમાં મુકવી તેની અંતિમ ચર્ચા ચાલી રહી છે. access_time 11:51 am IST