Gujarati News

રાજકોટઃ વી.વી.પી. કોલેજના કમ્પ્યુટર વિભાગે ૧૦૦% પ્લેસમેન્ટની પરંપરા જાળવી રાખતાં તાજેતરમાં કમ્પ્યુટર ક્ષેત્રની જાયન્ટ મલ્ટીનેશનલ કંપની એવી ''ટાટા કન્સલ્ટન્સી સર્વીસ'' (ટીસીએસ)માં ૭માં સેમેસ્ટરમાં અભ્યાસ કરતા વિદ્યાર્થીઓ સ્મિત મનોજભાઇ શાહ અને નિકીતા જતીનભાઇ શાહ પસંદગી પામ્યા છે. વિદ્યાર્થીઓની પસંદગી પ્રક્રિયામાં વિભાગીય વડા ડો. તેજસ પાટલીયા, ટ્રેઇનીંગ એન્ડ પ્લેસમેન્ટનાં પ્રોડ સાગર વિરાણી, પ્રો. દિપેશ જોશી અને પ્રો. તેજસ રૂપાણીએ માર્ગદર્શન પુરૃં પાડેલ છે. કમ્પ્યુટર વિભાગની આ કામગીરી બદલ સંસ્થાના મેનેજીંગ ટ્રસ્ટી લલિતભાઇ મહેતા, ટ્રસ્ટીઓ કૌશિકભાઇ શુકલ, ડો. સંજીવભાઇ ઓઝા, હર્ષલભાઇ મણીઆર, સંસ્થાના, પ્રિન્સીપાલ ડો. જયેશભાઇ દેશકર તથા સમગ્ર કર્મચારીગણે અભિનંદન પાઠવેલ હતા. (૭.૩૬)