Gujarati News

Gujarati News

News of Saturday, 28th November 2020

૧૫૦ ફૂટ રોડ પર ભાગ લેવા માટે રોડ ક્રોસ કરતો ૬ વર્ષનો પૃથ્વીરાજ કારની ઠોકરે ચડયો : મોત

રાજુલાના ખેરા ગામનો પૃથ્વીરાજ ત્રણ દિવસ પહેલા નાની સાથે રાજકોટ આવ્યો'તો

રાજકોટ તા. ૨૮ : ૧૫૦ ફુટ રોડ પર આવેલ અટલ સરોવર પાસે ભાગ લેવા માટે રોડ ક્રોસ કરવા જતા ૬ વર્ષના બાળકનું કારની ઠોકરે મોત નિપજતા અરેરાટી વ્યાપી ગઇ હતી.

મળતી વિગત મુજબ રાજુલાના ખેરા ગામનો વતની અને તરણ દિવસ પહેલા તેના નાનીમા સાથે રાજકોટ દોઢસો ફૂટ રોડ પર અટલ સરોવર પાસે આવેલો પૃથ્વીરાજ હિંમતભાઇ શીયાળ (ઉ.વ.૬) ત્રણ દિવસ પહેલા ભાગ લેવા માટે ઘરેથી નીકળી રોડ ક્રોસ કરવા જતા સેન્ટ્રો કારના ચાલકે ઠોકર મારતા બાળક ફંગોળાઇ ગયો હતો. બનાવ બનતા કાર ચાલક પોતાની કાર સાઇડમાં ઉભી રાખી દોડી આવ્યો હતો અને આસપાસના લોકો પણ દોડી આવ્યા હતા. બાદ બાળકને તાકીદે સારવાર માટે ક્રાઇસ્ટ હોસ્પિટલમાં ખસેડાયો હતો. ત્યાં તેનું સારવાર દરમિયાન મોત નિપજ્યું હતું.

મૃતક પૃથ્વીરાજ એકભાઇ એક બહેનમાં નાનો હતો. પિતા હિંમતભાઇ માછીમારી કરે છે. તે તેના નાની સાથે ત્રણ દિવસ પહેલા જ રાજકોટ આવ્યો હતો. પુત્રના મૃત્યુથી પરિવારમાં શોક વ્યાપી ગયો છે. આ બનાવ અંગે ગાંધીગ્રામ પોલીસ મથકના હેડ કોન્સ. અજયસિંહ ચુડાસમાએ તપાસ હાથ ધરી છે.

(1:06 pm IST)
  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST