Gujarati News

Gujarati News

News of Wednesday, 28th October 2020

વાડીમાંથી બળદને ભગાડવા પાછળ દોડ્યાને ડમ્પર માથે ફરિવળ્યુ : ડાયાભાઇ પરમારનું મોત

કુવાડવાના ગુંદાગામ પાસે બનાવ : આધેડના મૃત્યુથી પરિવારમાં આક્રંદ

રાજકોટ,તા. ૨૮: કુવાડવાના ગુંદાગામ પાસે વાડીમાં ઘૂસી ગયેલા બળદને ભગાડવા માટે આધેડ પાછળ દોડીને રોડ ક્રોસ કરવા જતા ડમ્પર ચાલકે હડફેટે લેતા આધેડનું મોત નિપજતા અરેરાટી વ્યાપી ગઇ છે.

મળતી વિગત મુજબ મહિસાગર જીલ્લાના ધનેલા ગામના વતની હાલ કુવાડવાના તરધડીયા ગામમાં રહેતા ડાયાભાઇ જોરાભાઇ પરમાર (ઉવ.૪૫) ગુંદાગામ નજીક આવેલી વાડીની રખેવાડી કરતા હોય, તેથી ગઇ કાલે વાડીને ત્યારે વાડીમાં બળદ ઘૂસી ગયો હતો. ડાયાભાઇ જોઇ જતા તેને ભગાડવા માટે તેઓ લાકડી લઇ પાછળ બળદ રોડ ક્રોસ કરી ગયો અને ડાયાભાઇ રો ક્રોસ કરવા જતા જીજે-૩એઝેડ૫૦૭૭ નંબરના ડમ્પરના ચાલકે હડફેટે લેતા કમર અને માથું છૂદાઇ જતા ડાયાભાઇનું ઘટના સ્થળે જ કમકમાટી ભર્યું મોત નિપજ્યું હતું. બનાવ બનતા ચાલક ડમ્પર રેઢુ મુકી ભાગી ગયો હતોફ બનાવના પગલે આસપાસના લોકો એકઠા થઇ ગયા હતા અને વાડીની બાજુમાં બાંધકામની સાઇટ ધરાવતા કોન્ટ્રકટર ભુપતભાઇ લક્ષ્મણભાઇ સિંધવ પણ દોડી આવ્યા હતા. બાદ ડાયાભાઇના સગાસંબંધી અને પોલીસને જાણ કરવામાં આવી હતી. બનાવની જાણ થતા કુવાડવા રોડ પોલીસ મથકના પીએસઆઇ જે.કે. પાંડાવદરા સહિતે સ્થળ પર પહોંચી ડમ્પરના ચાલક વિરૂધ્ધ ગુનો દાખલ કરી તપાસ હાથ ધરી છે.

(3:09 pm IST)
  • ઉત્તરપ્રદેશમાં બસપા (માયાવતી) પક્ષના સંસદ સભ્યના નિવાસ સ્થાન અને ઓફીસો ઉપર મોટા પાયે દરોડા ચાલુ છે વિગતો મેળવાઇ રહી છે. access_time 11:29 am IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • ફરજ પાલનમાં બેદરકારી સબબ દિલ્હી યુનિવર્સીટીના વાઇસ ચાન્સેલર યોગેશ ત્યાગી સસ્પેન્ડ : તેમના ઉપરના આરોપોની તપાસ માટે રાષ્ટ્રપતિ શ્રી રામનાથ કોવિંદે આદેશ આપ્યો access_time 6:37 pm IST