Gujarati News

રાજકોટ તા. ર૭ : શહેરના રૈયા રોડ પર આમ્રપાલી ફાટક ખાતે બનાવવામાં આવનાર અન્ડરબ્રીજ માટે રેલ્વેએ અગાઉ ૪ વખત ટેન્ડરો પ્રસિદ્ધ કરેલ જેમાં કોઇએ ભાગ નહી લેતા હવે પાંચમી વખત ટેન્ડર પ્રસિદ્ધ કરાશે. જો કે આ વખતે બ્રીજની ડીઝાઇનમાં રહી ગયેલ ''ડસ્ટ ફુટ પાથ'')ની ભુલ સુધારીને નવુ ટેન્ડર પ્રસિદ્ધ થશે આ માટે મ્યુ.કોર્પોરેશન રેલ્વેને વધારાના ૩.૭પ કરોડ ચુકવવાના થાય છે. જેને આજે સ્ટેન્ડીંગ કમીટીમાં મંજુર કરાયેલ.

રામનાથપરા સ્મશાનને રંગરોગાન

આ ઉપરાંત આજની સ્ટેન્ડીંગ કમીટીમાં રામનાથપરા સ્મશાનમાં નવુ કલર કામ, લાદીઓ નાંખવા સહીત કુલ રર લાખના ખર્ચે રિનોવેશનની દરખાસ્ત મંજુર થયેલ હતી. જયારે ૧-૮૪ લાખની કર્મચારી તબીબી સહાય, ૩.૯૩ લાખના વોટર વર્કસના કામો રપ-૯૯ લાખજી સ્વીમીંગપુલ મશીનરી, ૩૮.પ૪ લાખના ભૂગર્ભ ગટરના કામો સહીતની કુલ ર૭ દરખાસ્તોનો નિર્ણય લઇ અને કુલ રૂ. ર.૩પ કરોડના વિકાસ કામોનો સ્ટેન્ડીંગ કમીટીના ચેરમેન ઉદયભાઇ કાનગડે લીલીઝંડી આપી હતી.