Gujarati News

રાજકોટ, તા. ર૮ : શહેરના જંકશન પ્લોટ અને ગાયકવાડી પ્લોટમાં નાની-મોટી ચોરી અને દારૂ પી ધમાલ મચાવનારા શખ્સો સામે પગલા લેવા વેપારી મંડળ દ્વારા પોલીસ કમિશનરને લેખીત ફરીયાદ કરી છે.

જંકશન પ્લોટ મેઇન રોડ પર આવેલ જંકશન પ્લોટ-ગાયકવાડી પ્લોટ વેપારી મંડળના પ્રમુખ જયકિશનભાઇ આહુજા અને મંત્રી ગૌરવભાઇ પુજારા સહિતના વેપારીઓએ પોલીસ કમિશનરને કરેલી લેખીત રજૂઆતમાં જણાવ્યું છે કે, આ વિસ્તારમાં અવારનવાર નાની-મોટી ચોરીઓ થતી રહે છે અને પોલીસ મથકમાં સીસીટીવી ફૂટેજ પણ આપવા છતાં કાર્યવાહી કરવામાં આવતી નથી. તેમજ દારૂ પીને ધમાલ મચાવતા શખ્સો સામે કાર્યવાહી કરવામાં આવે તેમ જણાવાયું છે.