Gujarati News

Gujarati News

News of Monday, 28th May 2018

ચિમકી

તો ૧પ દિ' બાદ મુખ્‍યમંત્રીનાં બંગલા સામે સામુહીક આત્‍મ વિલોપન

મવડીની ભારતનગર ઝુંપડપટ્ટીની પીપીપી આવાસ યોજનાનાં લાભાર્થીઓનું મ્‍યુ. કમિશ્નરને અલ્‍ટીમેટમઃ બિલ્‍ડર દ્વારા બાંધકામમાં ગેરરીતીનાં આક્ષેપો

રાજકોટ, તા., ર૮: મ્‍યુ. કોર્પોરેશન દ્વારા મવડી વિસ્‍તારમાં આવેલ ભારતનગર ઝુંપડપટ્ટીમાં પીપીપી આવાસ યોજનાનું નિર્માણ થઇ રહયું છે. જેમાં બિલ્‍ડર દ્વારા બાંધકામમાં ગેરરરીતી કરી અને લાભાર્થીઓને અન્‍યાય થઇ રહયાની રજુઆત ૩૦થી વધુ લાભાર્થીઓ દ્વારા મ્‍યુ. કમિશ્નરને કરાઇ છે.

આ આવેદનમાં જણાવાયું છે કે અંબીકા ટાઉનશીપ મવડી વિસ્‍તારમાં આવેલ ભારતનગરના ઝુંપડાવાસીઓનાં મકાનો તોડી પાડી અને ફલેટ આપવાની યોજના મ્‍યુ. કોર્પોરેશને પીપીપી ધોરણે હાથ ધરી છે. તેમાં બિલ્‍ડર દ્વારા બાંધકામ નિયમોનો ઉલાળીયો કરીને લાભાર્થીઓને અન્‍યાય થઇ રહયા છે. જેમાં ૩ર૦ ફલેટના બદલે માત્ર ૩૦૮ ફલેટ બનાવાયા છે. કોમન પ્‍લોટ માત્ર ૮૧ ટકા રખાયો છે.

માર્જીન પણ ઓછુ છોડવામાં આવ્‍યું છે. કોમ્‍યુનીટી હોલ -આંગણવાડી નથી, આંતરીક રસ્‍તાઓની ઝુંબેશ  તથા લીસ્‍ટ ૩ના બદલે માત્ર રજુ છે.

આમ બિલ્‍ડર દ્વારા લાભાર્થીઓને અન્‍યાય થઇ રહયો છે તથા બાંધકામમાં  ગેરરીતી થઇ રહી છે.તેવા આક્ષેપો કરી અને આ બાબતે યોગ્‍ય પગલા લઇ લાભાર્થીઓને ન્‍યાય અપાવામાં આવછેદનપત્રમાં માંગ ઉઠાવાઇ છે.

તેમજ જો ૧પ દિવસમાં આ પ્રશ્રો નહી ઉકેલવામાં આવે તો મુખ્‍યમંત્રીશ્રીના નિવાસસ્‍થાન સામે સામુહીક આત્‍મ વિલોપન કરાશે તેવી ચિમકી આવેદનપત્રના અંતે ઉચ્‍ચારી હતી.

આ રજુઆત ઘનશ્‍યામભાઇ પટેલ, મુકેશભાઇ ગોડઠેશ્વર, કાળુભાઇ જાદવ, ભુપતભાઇ, પોપટભાઇ સહીત ૩૦ થી વધુ લાભાર્થીઓ જોડાયા હતા.

(4:58 pm IST)
  • રાજકોટ નેશનલ હાઈવે પર આવેલ ભૂણાવા ગામ સ્થિત વાઘેશ્વર મહાદેવના મંદિર પાસે મોડી રાત્રે કોઈ અજાણ્યા શકશો નવજાત બાળકને તરછોડી અને ભાગી છૂટ્યા : ગોંડલ બાલાશ્રમના ચેરમેન સહિતના કર્મચારીઓએ આ નવજાત બાળકને હોસ્પિટલમાં દાખલ કર્યું : પોલીસે વધુ તપાસ હાથ ધરી છે access_time 8:34 am IST

  • પેટ્રોલ-ડીઝલ બાદ દિલ્હી-એનસીઆરમાં સીએનજીના ભાવમાં વધારો :દિલ્હીમાં હવે સીએનજી 1,36 રૂપિયા અને એનસીઆરમાં 1,55 રૂપિયા પ્રતિ કિલો મોંઘુ થયું :ઇન્દ્રપ્રસ્થ ગેસ લિમિટેડે સીએનજીના ભાવમાં કર્યો વધારો ;ભાવ વધારો આજ મધરાતથી લાગુ :સીએનજીનો હવે દિલ્હીમાં ભાવ 41,97 રૂપિયા પ્રતિ કિલો અને નોઈડા,ગાજિયાબાદમાં 48,60 રૂપિયા થશે access_time 11:32 pm IST

  • સાઉદી અરબ સહિતના દેશોનો સમાન વેચવા કતારે લગાવ્યો પ્રતિબંધ : સાઉદી અરબ સહિતના દેશોએ કતાર સાથે સબંધો તોડ્યાના એક વર્ષ બાદ દોહાએ પોતાને ત્યાં ઉપરોક્ત દેશોનો સમાન વેચવા રોક લગાવી છે : કતારે પોતાના દેશના દુકાનદારોને આદેશ કર્યો છે કે પોતાની દુકાનમાં સાઉદી અરબના નેતૃત્વવાળા દેશોનો સમાન હટાવી લ્યે : નિરીક્ષક દુકાનોની ચેકીંગ પણ કરશે. access_time 11:31 pm IST