Gujarati News

Gujarati News

News of Monday, 28th May 2018

શીવાજીનગરમાં માતાએ ઠપકો આપતા કૌસર પઠાણનો ગળાફાંસો ખાઇ આપઘાત

રાજકોટ તા ૨૮ : થોરાળાના શીવાજીનગરમાં માતાએ કામ બાબતે ઠપકો આપતા ૧૪ વર્ષની મુસ્લીમ સગીરાએ ગળાફાંસો ખાઇ આપઘાત કરી લેતા અરેરાટી વ્યાપી ગઇ છે

મળતી વિગત મુજબ શીવાજીનગર શેરી નં.ર માં રહેતી કૌસર યુસુફભાઇ પઠાણ (ઉ.વ.૧૪) એ પોતાના ઘરે છતના હુકમાં ચુંદડી બાંધી ગળાફાંસો ખાઇ લીધો હતો ખબર પડતા સગીરાના માત પિતા દોડી આવ્યા હતા અને જાણ કરતા ૧૦૮ ના ઇએમટી ગોવિંદભાઇએ જોઇ તપાસી તેનું મોત નિણજયુ હોવાનું જાહેર કર્યુ હતું મૃતક કૌસર પઠાણ એક ભાઇ એક બહેનમાં મોટી હતી તે ધોરણ ૯માં અભ્યાસ કરતી હતી. તેના પિતા રિક્ષા ચલાવે છે તેની માતાએ ઘરકામ બાબતે ઠપકો આપતા લાગી આવતા તેણીએ આ પગલું ભર્યુ હોવાનું ખુલ્યુ છે આ અંગે થોરાળા પોલીસ મથકના એ.એસ.આઇ બી.જે. જાડેજા તથા રાઇટર નારણભાઇએ તપાસ હાથ ધરી છે

(3:58 pm IST)
  • સાઉદી અરબ સહિતના દેશોનો સમાન વેચવા કતારે લગાવ્યો પ્રતિબંધ : સાઉદી અરબ સહિતના દેશોએ કતાર સાથે સબંધો તોડ્યાના એક વર્ષ બાદ દોહાએ પોતાને ત્યાં ઉપરોક્ત દેશોનો સમાન વેચવા રોક લગાવી છે : કતારે પોતાના દેશના દુકાનદારોને આદેશ કર્યો છે કે પોતાની દુકાનમાં સાઉદી અરબના નેતૃત્વવાળા દેશોનો સમાન હટાવી લ્યે : નિરીક્ષક દુકાનોની ચેકીંગ પણ કરશે. access_time 11:31 pm IST

  • વડાપ્રધાન નરેન્દ્ર મોદી આજથી 2 જૂન સુધી ઇન્ડોનેશિયા, મલેશિયા અને સિંગાપોરની મુલાકાતે જવા રવાના થશે, જેમાં PM થોડા સમયે માટે કુઆલાલમપુરમાં રોકાણ કરશે. તે દરમિયાન વડાપ્રધાન નરેન્દ્ર મોદી મલેશિયાના નવ નિયુક્ત વડાપ્રધાન મહાતિર મોહમ્મદ સાથે મુલાકાત કરશે. વડાપ્રધાન નરેન્દ્ર મોદી જકાર્તામાં પતંગ મહોત્સવનું પણ ઉધ્ધાટન કરશે. 1 જૂને સિંગાપોરમાં શાંગરી-લા સંવાદને સંબોધન કરશે વડાપ્રધાન મોદી અને આ કાર્યક્રમમાં મુખ્યવકતા તરીકે આમંત્રિત કરાયા હોય તેવા ભારતના પ્રથમ PM બનશે. access_time 8:29 am IST

  • ઉત્તર પ્રદેશના ઉન્નાવ જિલ્લામાં વીજળી પડતા પાંચ લોકોના મોત :4 લોકો ઘાયલ :જિલ્લામાં જોરદાર આંધી અને વાવાઝોડાને કારણે કેટલાય સ્થળે વીજળી ખાબકી હતી :દેશના હવામાનમાં પલટો ;કેરળમાં ચોમાસુ પહોચ્યું :આગામી 24 કલાકમાં વિભિન્ન જગ્યાંએતાપમાં ઘટવાની સાથે ગરમીમાં રાહત મળવાની શકયતા છે access_time 1:12 am IST