Gujarati News

Gujarati News

News of Monday, 28th May 2018

અકસ્માત કેસમાં મહિલા આરોપીનો નિર્દોષ છુટકારો ફરમાવતી અદાલત

રાજકોટ તા. ર૮ : બેફીકરાઇથી વાહન ચલાવી અકસ્માત કરવામાં મહિલા આરોપીને નિર્દોષ ઠરાવી છોડી મુકવાનો હુકમ કોર્ટ ફરમાવેલ હતો.

રાજકોટ શહેરનાં આજીડેમ પો.સ્ટેશનનાં ફરીયાદી વિજયભાઇ મનસુખભાઇ ગોહીલ રહે. આંબેડકરનગર શેરી નં.૧૩,૮૦ ફુટ કરોડ, રાજકોટવાળાએ ત્હોમતદાર આશાબેન મુકેશભાઇ બીજાણી રહે. કોઠારીયા સોલવંટ, હરીદ્વાર-ર, શેરી નં. ર, રાજકોટવાળા વિરૃધ્ધ આઇ. પી. સી. કલમ-ર૭૯,૩૩૭, મોટર વ્હીકલ એકટની કલમ-૧૩૪, ૧૭૭, ૧૮૪ થી એવી ફરીયાદ લખાવેલ કે, આરોપીએ પોતાના હવાલા વાળુ પ્લેઝર મો.સા. બેફીકરાઇથી, ગફલતભરી રીતે ચલાવી આવી ફરીયાદીના દાદા તથા ફરીયાદીને ચાલીને રોડ ક્રોસ કરતા હતા ત્યારે ફરીયાદીના દાદાને હડફેટે લઇ અકસ્માત કરી ઇજા કરી નાસી જતા ગુન્હો કરેલ હતો.

આ કેસ રાજકોટના જયુડી.મેજી. કોર્ટ સમક્ષ ચાલી જતા ફરીયાદ પક્ષ પોતાનો કેસ સાબીત કરવામાં નિષ્ફળ નિવડેલ હોય, તેમજ ફરીયાદીના સાહેદો, સાક્ષી, પંચો ફરીયાદીને સમર્થન આપી શકેલ ન હોય, આ કામના ત્હોમદારને નિર્દોષ ઠરાવી છોડી મુકવાનો હુકમ ફરમાવેલ છે.

આ કામના આરોપી આશાબેન મુકેશભાઇ બીજાણીવતી રાજકોટના ધારાશાસ્ત્રીશ્રી નિરવકુમાર કે. પંડયા, હર્ષા નિરવકુમાર પંડયા, નેહા કમલેશ રવીયા રોકાયેલા હતા.

 

(3:53 pm IST)
  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST

  • તામિલનાડુના તુતીકોરીન જિલ્લામાં વિરોધ પ્રદર્શનમાં હિંસા ભડકતા લગાવેલ કલમ 144 હટાવાઈ :વેદાંતા ગ્રુપની કંપની સ્ટરલાઇનના કોપર યુનિટના વિરોધમાં હિંસા થતા વહીવટી તંત્રે 21મીએ કલમ 144 લાગુ કરી હતી :પોલીસ ગોળીબારમાં 13 લોકોના મોત થયા હતા. access_time 7:16 am IST

  • સાઉદી અરબ સહિતના દેશોનો સમાન વેચવા કતારે લગાવ્યો પ્રતિબંધ : સાઉદી અરબ સહિતના દેશોએ કતાર સાથે સબંધો તોડ્યાના એક વર્ષ બાદ દોહાએ પોતાને ત્યાં ઉપરોક્ત દેશોનો સમાન વેચવા રોક લગાવી છે : કતારે પોતાના દેશના દુકાનદારોને આદેશ કર્યો છે કે પોતાની દુકાનમાં સાઉદી અરબના નેતૃત્વવાળા દેશોનો સમાન હટાવી લ્યે : નિરીક્ષક દુકાનોની ચેકીંગ પણ કરશે. access_time 11:31 pm IST