Gujarati News

Gujarati News

News of Monday, 28th May 2018

શાપર-વેરાવળના માસુમ હેતના અપહરણ-હત્યામાં વિવિધ દિશામાં તપાસઃ શંકાસ્પદ શખ્સોની પૂછતાછ

કોલ ડીટેઈલ આવ્યા બાદ પોલીસને નક્કર કડી મળે તેવી આશાઃ સીસીટીવી ફુટેજની પણ ચકાસણીઃ અલગ અલગ ટીમો દ્વારા ૨૫ થી ૩૦ શકમંદોના નિવેદનો લેવાયા

રાજકોટ, તા. ૨૮ :. શાપર-વેરાવળમાં ગત શનિવારે શ્રમિક કોળી પરિવારના પુત્ર હેત (ઉ.વ.૪)ના અપહરણ અને હત્યા કેસમાં રૂરલ પોલીસ દ્વારા વિવિધ દિશામાં તપાસનો ધમધમાટ શરૂ કરાયો છે. ૨૫ થી ૩૦ શંકાસ્પદ શખ્સોની પૂછતાછ કરાઈ હતી પરંતુ પોલીસને હજુ સુધી કોઈ નક્કર કડી મળી નથી. જો કે કોલ ડીટેઈલ આવ્યા બાદ પોલીસને ચોક્કસ દિશા મળે તેવી આશા છે.

પ્રાપ્ત વિગતો મુજબ શાપર-વેરાવળના શાંતિધામ વિસ્તારમાં રહેતા હરેશભાઈ વાઢેર (કોળી)ના પુત્ર હેત (ઉ.વ.૪)નું ગત શુક્રવારે સાંજે અપહરણ થયા બાદ તેની શનિવારે સવારે રીબડાના ગુંદાસરા ગામ પાસે હત્યા કરાયેલ હાલતમાં લાશ મળી આવતા પરિવારજનો હતપ્રભ થઈ ગયા હતા. પોલીસની પ્રાથમિક તપાસમાં માસુમ બાળક હેતનું અપહરણ કર્યા બાદ તેનુ ગળુ દબાવી મોતને ઘાટ ઉતારી લાશ રીબડા નજીક ફેંકી દેવાયાનું ખુલ્યુ હતું. શાપર પોલીસે અજાણ્યા શખ્સો સામે અપહરણ અને હત્યાનો ગુન્હો દાખલ કર્યો હતો.

દરમિયાન રહસ્યમય આ અપહરણ અને હત્યાનો ભેદ ઉકેલવા રૂરલ એસપી અંતરીપ સુદના માર્ગદર્શન હેઠળ ગોંડલ ડીવાયએસપી દિનેશસિંહ ચૌહાણ, રૂરલ એલસીબી-એસઓજી તથા સ્થાનિક પોલીસની અલગ અલગ ટીમો બનાવાય છે. આ ટીમો દ્વારા અત્યાર સુધીમાં ૨૫ થી ૩૦ શંકાસ્પદ શખ્સોના નિવેદનો લેવાયા છે. તેમજ મૃતક હેત જ્યાં રહેતો હતો તે વિસ્તારના આડોશી-પાડોશી અને જ્યાંથી હેતનું અપહરણ થયુ તે વિસ્તારના દુકાનદારોના નિવેદનો લેવાયા હતા. પોેલીસે સીસીટીવી ફુટેજની પણ ચકાસણી કરી હતી. જેમાં એક શખ્સ એક બાળકને લઈને જતો નજરે પડે છે પરંતુ તે બાળક હેત ન હોવાનું ખુલ્યુ છે. પોેલીસે ફરીથી સીસીટીવી ફુટેજની ચકાસણી શરૂ કરી છે.

પોલીસે હત્યાનો ભોગ બનનાર હેતના માતા-પિતા તથા અન્ય શંકાસ્પદ શખ્સોની કોલ ડીટેઈલ કઢાવી છે. આ કોલ ડીટેઈલ આવ્યા બાદ પોલીસને નક્કર કડી મળે તેવી આશા છે. વધુ તપાસ ગોંડલના સીપીઆઈ આર.એલ. ભટ્ટ તથા શાપરના પીએસઆઈ આર.જે. સિંધુ ચલાવી રહ્યા છે.(૨-૭)

(11:43 am IST)
  • પેટ્રોલ-ડીઝલ બાદ દિલ્હી-એનસીઆરમાં સીએનજીના ભાવમાં વધારો :દિલ્હીમાં હવે સીએનજી 1,36 રૂપિયા અને એનસીઆરમાં 1,55 રૂપિયા પ્રતિ કિલો મોંઘુ થયું :ઇન્દ્રપ્રસ્થ ગેસ લિમિટેડે સીએનજીના ભાવમાં કર્યો વધારો ;ભાવ વધારો આજ મધરાતથી લાગુ :સીએનજીનો હવે દિલ્હીમાં ભાવ 41,97 રૂપિયા પ્રતિ કિલો અને નોઈડા,ગાજિયાબાદમાં 48,60 રૂપિયા થશે access_time 11:32 pm IST

  • કેન્દ્ર સરકાર વિરુદ્ધ આમ આદમી પાર્ટી યુપીમાં પદયાત્રા કરશે :25 જૂનથી 8 જુલાઈ સુધી વારાણસીથી બલિયા વચ્ચે પદયાત્રા કરાશે : મોદી સરકારના ચાર વર્ષ પુરા થતા ભાજપ દ્વારા થતી ઉજવણી પર સવાલ ઉઠાવતા આપના સાંસદ સંજયસિંહ : લખનઉમાં પાર્ટી પદાધિકારી સાથે બેઠક યોજાઈ access_time 7:15 am IST

  • સાઉદી અરબ સહિતના દેશોનો સમાન વેચવા કતારે લગાવ્યો પ્રતિબંધ : સાઉદી અરબ સહિતના દેશોએ કતાર સાથે સબંધો તોડ્યાના એક વર્ષ બાદ દોહાએ પોતાને ત્યાં ઉપરોક્ત દેશોનો સમાન વેચવા રોક લગાવી છે : કતારે પોતાના દેશના દુકાનદારોને આદેશ કર્યો છે કે પોતાની દુકાનમાં સાઉદી અરબના નેતૃત્વવાળા દેશોનો સમાન હટાવી લ્યે : નિરીક્ષક દુકાનોની ચેકીંગ પણ કરશે. access_time 11:31 pm IST