Gujarati News

Gujarati News

News of Thursday, 28th February 2019

''ખુન કા બદલા ખુન''ની ઘટનામાં આરોપીઓની રીમાન્ડ અરજીઃ જેલની દિવાલ પાસે કોળી યુવકની હત્યા થયેલ

રાજકોટ,તા.૨૮: શહેરના પોપટપરા વિસ્તારમાં જેલની દીવાલ પાસે થયેલ કોળી યુવાનની હત્યા કરનાર આરોપીઓની પ્રદ્યુમનનગર પોલીસ દ્વારા ધરપકડ કરી રીમાન્ડની માંગણી સાથે અદાલતમાં રજૂ કરાતા બન્ને આરોપીને પોલીસની રીમાન્ડ પર સોંપવાની માંગણી ફગાવી દેવામાં આવેલ હતી.

શહેરના પોપટપરા સેન્ટ્રલ જેલ નજીક સંતોષી માતાના પ્રેમજીભાઈ વડેચા અને તેના પિત્રાઈ વિપુલ વનરાજભાઈ વડેચા (ઉ.વ.૨૪)ના એકટીવાને જેલના મુખ્ય ગેઈટ સામે જ રેલનગર શિવમ પાર્કના સિંધી રાહુલ ટેકવાણી અને મનોજ રાઠોડે આંતરી મનોજ વડેચાને છરીના ઘા ઝીંકી દઈ મોતને ઉતારી દીધેલ.

પ્રદ્યુમનનગર પોલીસ દ્વારા (૧) રાહુલ રાજેશભાઈ ટેકવાણી, (૨) મનોજ રાઠોડની આઈ.પી.સી. ૩૦૨, ૧૧૪ વિગેરે મુજબના ગુન્હામાં ધરપકડ કરેલ હતી અને આકરી પુછપરછ બાદ પણ તપાસ બાકી રહેતા આરોપીઓને વધુ તપાસ માટે બે દિવસની રીમાન્ડની માંગણી સાથે અદાલતમાં રજૂ કરવામાં આવેલ હતા.

આરોપીઓ વતી રાજકોટના એડવોકેટ શ્રી ગોકાણી રીમાન્ડ અરજીનો સખત વિરોધ કરતા જણાવેલ હતુ કે, પોલીસ રીમાન્ડના જે કારણો દર્શાવેલા છે તે હાઈપોથીટેકલ કારણો છે અને સર્વોચ્ચ અદાલતના ચૂકાદાઓ ટાંકી ઈન્ટ્રોગેશન માટે રીમાન્ડ ન હોય પરંતુ ઈન્વેસ્ટીગેશન માટે સબળ કારણો હોય તો જ રીમાન્ડ આપી શકાય તે મુજબની દલીલો કરી પોલીસની તપાસની થીયરી ગેરબંધારણીય અને ગેરકાયદેસર હોવાની રજૂઆતો કરી રીમાન્ડ અરજી નામંજુર કરવા દલીલો કરાયેલ હતી.

બન્ને પક્ષકારોની દલીલોના અંતે અદાલતને પોલીસે જે કારણોસર રીમાન્ડ માંગેલ છે તે કારણો રીમાન્ડ માટે અપુરતા હોવાનુ અને આરોપીને રીમાન્ડમાં મોકલવાની જરૂરીયાત ન હોવાનુ ઠરાવી રીમાન્ડ અરજી નામંજુર કરેલ હતી.

આ કામનાં બન્ને આરોપીઓ વતી રાજકોટના એડવોકેટશ્રી તુષાર ગોકાણી, રીપન ગોકાણી, સ્તવન મહેતા, અમૃતા ભારદ્વાજ, ગૌરાંગ ગોકાણી, કેવલ પટેલ, કૃષ્ણ પટેલ રોકાયેલ હતા.

(3:58 pm IST)
  • પાકિસ્તાન આતંકી વિરૂધ્ધ કરે કડક કાર્યવાહીઃ જાપાન : :અમેરીકા, ફાંસ, બ્રિટન, ઇઝરાયલ બાદ જાપાન પણ ભારતના સમર્થનમાં જાપાને પુલવામાં હુમલાની કડક શબ્દોમાં કરી નિંદા: બંને દેશો વાતચીત કરીને સમસ્યાનો ઉકેલ લાવે: એનએસએ અજીત ડોભાલે અમેરીકાના વિદેશ મંત્રી સાથે કરી વાતચીત: ઙ્ગ યુએનએસસીથી મસુદની સંપતિ પણ જપ્ત કરવાની માગઃ ૧૫ સભ્યો સુરક્ષા પરિષદમાં ફ્રાંસ, અમેરીકા, બ્રિટને રજુ કર્યો પ્રસ્તાવ :: સરકારે પાકિસ્તાને ભારતનો પાયલોટ સુરક્ષીત મુકત કરવા કહયું : ભારતની માગણી પર પાકિસ્તાને હજી સુધી કોઇ જવાબ નથી આપ્યોઃ કાલે રાત્રે પીએમ મોદીએ ત્રણેય સેના પ્રમુખો સાથે બેઠક કરી (૪૦.૫) access_time 3:43 pm IST

  • ગીરના જંગલમાં તુલશીશ્યામ રેન્જમાં આવેલ ભાણીયા બેટ વિસ્તારમાં 10 થી 11 વર્ષની એક સિંહણ મૃત હાલતમાં મળી આવી છે પ્રાથમિક કંઈ પણ અજુગતું બન્યું જણાયું નથી પોસ્ટમોર્ટમ માટે કાર્યવાહી હાથ ધરવામાં આવી છે access_time 1:02 am IST

  • ભારત અને પાકિસ્તાન ઉપરથી મિડલ ઇસ્ટ તથા એશિયા અને યુરોપ જતી વિમાની સેવાઓ ખોરવાઈ ગઈ છે access_time 12:57 am IST