Gujarati News

Gujarati News

News of Thursday, 28th February 2019

કાશ્મીરની અભૂતપૂર્વ કમ નશીબી-જવાબદાર કોણઃ દેશ નેતાઓની અક્ષમ્ય ભૂલોનું મોતકારક પરિણામો

રાજકોટ : તા. ૨૭,  સન ૧૯૪૭ પહેલા સંપૂર્ણ શાંત અને સ્વર્ગસમાન કાશ્મીરમાં કયાંય વિષમતા ન હતી. ભારતીય સેનાના વડા ત્યારે બનતા સુધી જનરલ લોક હતા. અંગ્રેજો એકે એક રાજાને ઉઠાડવા માંગતા હતા. ભારતનું સૌથી મોટું રાજય કાશ્મીર હતું. મહારાજા હરિસિંઘ પ્રત્યે પ્રજાને માન હતું. અગાઉ મહારાજા અવંતિ વર્મા, મેઘ વાહન વિગેરે રાજાઓ થયા. ત્યાં પશુહત્યા પર પ્રતિબંધ હતો. ગૌહત્યારાને દેહાંત દંડની સજા થતી. કાશ્મીરના પ્રજાવત્સલ રાજાને રવાના કરવા ગીલગીટ વિસ્તારના પહાડી લોકોને ઉશ્કેર્યા. રહસ્ય બહાર આવ્યું નથી પરંતુ ભારતમાં બેઠેલા અંગ્રેજ સેનાના વડાનો હાથ હતો. માઉન્ટબેટનને પણ પં. નહેરુએ એક વર્ષ અહીંજ રોકી રાખ્યા. ગમે તેમ પણ શ્રીનગર ઉપર હલ્લો કરવાની જબ્બર હિલચાલ થઈ. મહારાજા હરિસિંઘે દિલ્હીની મદદ માંગી. વલ્લભભાઈ પટેલે વિમાનો દ્વારા લશ્કર મોકલ્યું. મહારાજાને મુંબઈ રવાના કર્યા. શાંતિ થઈ, પરંતુ મહારાજાને કાશ્મીર જવા ન દીધા. અને શેખ અબ્દુલ્લા ને બેસાડ્યા. યુનોમાં ગયા. કલમો ૩૫ અ અને ૩૭૦ કે બંધારણની ઘુસણખોરીની લગીરેય જરૂર ન હતી. જો મહારાજા હરિસિંઘને જ રાજ ચલાવવા દીધું હોત તો કાશ્મીરમાં મહાશાંતી હોત. હજારો નિર્દોષ જવાનો, યુવાનો વિગેરેનું કમોત થયું ન હોત. મહારાજા હરિસિંઘના કુંવર હાલ દિલ્હીમાં છે. શ્રી કરણસિંઘજી ને હવાલે કાશ્મીરને સોંપો અને ભારતનું અવિભાજય અંગ રહેશે જ તેમાં બે મત નથી. બોંબમારો કે લશ્કરી પગલાથી પરિસ્થિતિ વધુ બગડશે.

સુમનલાલ છો કામદાર

રાજકોટ

(3:44 pm IST)
  • ભારતીય પાઇલોટ અભિનંદનને મુક્ત કરી દયો : પાકિસ્તાનના પૂર્વ પ્રાઈમ મિનિસ્ટરની પૌત્રી તથા લેખિકા ફાતિમા ભૂટોએ ન્યુયોર્ક ટાઈમ્સમાં આર્ટિકલ લખી અપીલ કરી access_time 12:11 pm IST

  • જવાનોની શહાદત પર રાજનીતિ છોડો :સંયમ જાળવી રાખો અને ઝાંબાઝ પાયલોટને પાછો લાવો : અખિલેશ યાદવ : બાલાકોટમાં એર સ્ટ્રાઇક બાદ ભારત અને પાકિસ્તાન વચ્ચે ખુબ જ તંગદિલ સ્થિતિ : પાકિસ્તાનની સેનાએ લડાકુ વિમાનોથી ભારતીય સીમાનું ઉલ્લંઘન કર્યું :જવાબી કાર્યવાહીમાં ભારતીય સેનાએ પાક,ની પાંચ ચોકીઓ ફૂંકી મારી :સપાના પ્રમુખ અખિલેશ યાદવે સંયમ રાખવા કહ્યું access_time 1:10 am IST

  • હિજરત : પાકિસ્તાનના લશ્કર દ્વારા કરવામાં આવેલા ગોળીબારોને કારણે સલામત સ્થળે જવા રવાના થતા પૂંછ નજીકના ગ્રામજનો. access_time 3:31 pm IST