Gujarati News

અખિલ ભારતીય વિદ્યાર્થી પરિષદ મહાનગર દ્વારા આઝાદીના ૭૫ વર્ષ નિમિતે ૧૦૦ મીટર લાંબી તિરંગા યાત્રાનું આયોજન કરાયુ હતુ. આ તિરંગા યાત્રા રાષ્‍ટ્રીય મહાશાળાએથી પ્રારંભ થઇ યાજ્ઞિક રોડ થઇ કોટેચા ચોક ખાતે પૂર્ણ થઇ હતી. જેમાં એબીવીપીના ૧૪૦ થી વધુ કાર્યકર્તા જોડાયા હતા. આ તિરંગા યાત્રાને મેયર ડો. પ્રદીપભાઇ ડવ અને એપીવીપીના પ્રદેશ ઉપાધ્‍યક્ષ નવીનભાઇ પટેલે લીલી ઝંડી આપી પ્રસ્‍થાન કરાવ્‍યુ હતુ. વિવિધ યુનિવર્સિટી અને શાળા કોલેજના વિદ્યાર્થીઓ આ તિરંગા યાત્રામાં સામેલ થયા હતા. તેમ અભાવિપના સહ કાર્યાલય મંત્રી ઉદયભાઇ જોષીની યાદીમાં જણાવાયુ છે.