Gujarati News

Gujarati News

News of Thursday, 28th January 2021

મ.ન.પા.ની ચૂંટણી માટે એન.સી.પી.ના ૧૬ ઉમેદવારોની પ્રથમ યાદી જાહેર

વોર્ડ નં.૧૮ ની તમામ બેઠક પર ચુંટણી લડી ભાજપને પરાસ્ત કરશું: દરેક વોર્ડમાં હેલ્થ : સેન્ટર, શિક્ષણ આરોગ્ય સુવિધા વધુ સુદ્રઢ બનાવશું: ચુંટણી ઢંઢેરો જાહેર કરતા રેશમા પટેલ

 

આગામી મહાનગર પાલીકાની ચુંટણી માટે ચુંટણી ઢંઢેરો અને ઉમેદવારોની પ્રથમ યાદી એન.સી.પી.ના પ્રદેશ મહિલા પ્રમુખ અને સૌરાષ્ટ્ર ઝોનનાં ઇન્ચાર્જ રેશ્માબેન પટેલ દ્વારા કાર્યકર્તાઓની ઉપસ્થિતીમાં જાહેર કરવામાં આવ્યું હતું. તે વખતની તસ્વીર. (તસ્વીરઃ અશોક બગથરીયા)

રાજકોટ, તા., ૨૮:  આગામી ર૧ ફેબ્રુઆરીના યોજાનાર મહાનગર પાલીકાની ચુંટણી માટે એન.સી.પી.ના ઘુઆધાર, નએનસીપીના પ્રદેશ મહિલા પ્રમુખ, પ્રવકતા અને સૌરાષ્ટ્ર ઝોનના ચૂંટણી પ્રભારી રેશ્માબેન પટેલે પત્રકારોને જણાવ્યુ હતું કે એનસીપી ગુજરાતની સ્થાનિક સ્વરાજની ચૂંટણીમાં સૌપ્રથમ વખત ઝંપલાવી રહ્યુ છે. તેમણે ભાજપ ઉપર આકરા પ્રહારો કરતાં જણાવ્યુ હતું કે ચૂંટણી સમયે જ ભાજપ તોડફોડની નીતિ અપનાવતુ હોય છે. જેના પરિણામ સ્વરૂપે અમે જનતા રાજની સ્થાપના કરીશુ. જો ચૂંટણીઓમાં અમારા ઉમેદવારો વિજેતા બનશે તો તેઓને દર મહિને પોતાના વોર્ડમાં જનતા દરબાર યોજવો પડશે અને સ્થાનિકોના પ્રશ્નોનો ત્વરીત ઉકેલ લાવી તેનો રીપોર્ટ કમીટી સમક્ષ આપવો પડશે. અમે નેતા બનીને નહિં પણ સેવક બનીને રહીશુ.

વધુમાં રશમાબેન પટેલે આજે વોર્ડ નં.૧,૩,૪,૫,૬૧૩,૧૫,૧૮માં ૧-૧,વોર્ડ નં.૯,૧૧માં ૨ તથા વોર્ડ નં.૧૭માં ૩ સહિત કુલ ૧૬ ઉમેદવારો જાહેર કરવામાં આવ્યા હતા. તેઓએ જણાવ્યુ હતુ કે, આગામી સમયમાં વધુ ઉમેદવારોનાં નામ જાહેર કરી ભાજપને પરાસ્ત કરશુ.

આ તકે રાજકોટ શહેર પ્રમુખ ભૌમીક પારેખ, જીલ્લા પ્રમુખ સંદીપ ડોબરીયા સહીતના આગેવાનો , ઉમેદવારો તથા કાર્યકર્તાઓ ઉપસ્થિત રહયા હતા.

કયાં વોર્ડમાં કોણ ઉમેદવાર

વોર્ડ નંબર

ઉમેદવારનું નામ

વોર્ડ-૧

શ્રીમતી પયાલબા વાઘેલા

વોર્ડ-૩

ધવલભાઇ રાજેન્દ્રભાઇ રાવલ

વોર્ડ-૪

કિરણભાઇ નાથાભાઇ રાતોજા

વોર્ડ-પ

મચ્છાભાઇ ખેતાભાઇ જાદવ

વોર્ડ-૬

સુરસિંહ મોકાભાઇ ડાંગર

વોર્ડ-૯

ગમનકુમાર આર. દવે

વોર્ડ-૧૦

દુષ્યંતસિંહ રામદેવસિંહ જાડેજા

વોર્ડ-૧૧

શ્રીમતી કિરણબેન કાનાણી

વોર્ડ-૧૩

યાજ્ઞિક મગનભાઇ ડરાણીયા

વોર્ડ-૧પ

અશોકભાઇ દાફડા

વોર્ડ-૧૭

શ્રીમતી પ્રજ્ઞાબેન રાવલ

વોર્ડ-૧૭

ગીરીશભાઇ ગજેરા

વોર્ડ-૧૭

મુકેશભાઇ ડાભી

વોર્ડ-૧૮

ભાવેશભાઇ આહિર

(3:47 pm IST)
  • ઉનાના સૈયદ રાજપરાના દરિયામાં 15 નોટીકલ માઈલ દૂર બોટ ડૂબી :ગણેશ નામની બોટે જળસમાધી લીધી: અચાનક પાણી ભરાતા બોટ ડૂબી ગઈ : બોટમાં સવાર 7 ખલાસીઓનો અન્ય બોટે બચાવ્યા. access_time 8:42 pm IST

  • ખેડૂત આંદોલનકારીઓના કબજામાંથી હાઈવે ખુલ્લા કરાવવાનું શરૂ : યુપી પોલીસે પ્રથમ હાઈવે ખોલાવી નાખ્યો : ૪૦ દિવસથી બ્લોક કરવામાં આવેલ દિલ્હી-સહરાનપુર હાઈવે આજે ઉત્તર પ્રદેશ પોલીસે કિલયર કરાવી નાખ્યાનું જાણવા મળે છેઃ આમ ખેડૂત આંદોલનકારીઓ ઉપર આકરા પગલાં ભરવાનું શરૂ થઈ ગયું છે અને શુ પ્રથમ આજે ઉત્તર પ્રદેશની યોગી પોલીસે રોડ કિલયર કરાવ્યો હોવાના અહેવાલો મળી રહ્યા છે access_time 11:26 am IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST