Gujarati News

Gujarati News

News of Thursday, 28th January 2021

ગોંડલ રોડ આંબેડકનગરમાં યોગેશ બેડવાના મકાનમાં દરોડો : પતા ટીંચતા આઠ પકડાયા

માલવીયાનગર પોલીસનો દરોડો : મકાન માલીક યોગેશ તથા જીજ્ઞેશ,કેતન, મનોજ, દિનેશ, રાહુલ અને ધવલની ધરપકડ

રાજકોટ,તા. ૨૮: ગોંડલ રોડ પર આવેલા આંબેડકરનગરમાં એક મકાનમાં જુગારધામ ચાલતે હોવાની બાતમીના આધારે માલવીયા નગર પોલીસે દરોડો પાડી જુગાર રમતા આઠ શખ્સોને પકડી લીધા હતા.

મળતી વિગત મુજબ ગોંડલ રોડ પર આંબેડકરનગર શેરી નં. ૧૧ (બ) માં એક મકાનમાં કેટલાક શખ્સો જુગાર રમતા હોવાની માલવીયાનગર પોલીસ મથકના કોન્સ યુવરાજસિંહ તથા ભાવેશભાઇને બાતમી મળતા પીઆઇ કે.એ.ન ભુકણના માર્ગદર્શન હેઠળ પીએસઆઇ વી.કે.ઝાલા તથા હેડ કોન્સ. મસરીભાઇ, યુવરાજસિંહ, દીગ્પાલસિંહ, હરપાલસિંહ, હિતેષભાઇ, મહેશભાઇ , રોહીતભાઇ તથા ભાવેશભાઇ સહિતે દરોડો પાડી તીનપતીનો જુગાર રમતા મકાન માલીક યોગેશ અરજણભાઇ બેડવા (ઉવ. ૩૨), જીજ્ઞેશ રમેશભાઇ બગડા (ઉવ. ૨૪), આંબેડકરનગર -૧૨ના જીજ્ઞેશ મુકેશભાઇ રાઠોડ (ઉવ.૨૫), શેરી ં. ૧૧ (બ)ના કેતન અરજણભાઇ બેડવા (ઉવ.૨૯), મનોજ પ્રેમજીભાઇ મકવાણા (ઉવ.૨૭), દિનેશ વીરજીભાઇ સોલંકી (ઉવ.૩૫), રાહુલ વાલજીભાઇ મકવાણા (ઉવ.૨૩) અને ધવલ પ્રેમજીભાઇ મકવાણા (ઉવ. ૧૯)ને પકડી લઇ રૂ. ૧૧,૩૫૦ની રોકડ સહિતની મતા કબ્જે કરી હતી અને પોલીસે તમામ સામે જાહેરનામા ભંગની પણ કાર્યવાહી કરી હતી.

(3:16 pm IST)
  • વિરાટ, તમન્ના ભાટીયા અને અજુ વર્ગીસને કેરળ હાઇકોર્ટની નોટીસ : ક્રિકેટર વિરાટ કોહલીને ઓનલાઇન ગેમ્સ અંગે કેરળ હાઇકોર્ટની નોટીસ, અભિનેત્રી તમન્ના ભાટિયા,અને અજુ વર્ગીસને પણ નોટીસ મોકલાઇ, ઓનલાઇન ગેમ ( રમી) પર રોક માટે દાખલ અરજીના સંદર્ભે નોટીસ, ત્રણેય આ ગેમના બ્રાન્ડ એમ્બેસેડર છે access_time 11:47 am IST

  • કેરળમાં આજે સવારે ૨૪ કલાકમાં ૫૬૦૦ નવા કેસ નોંધાયા છે, જ્યારે મહારાષ્ટ્રમાં એકવીસસો નવા કેસ નોંધાયા છે જેમાં મુંબઈમાં ૪૩૪ કોરોના કેસ થયા છે: ગુજરાત દેશભરમાં સાતમા નંબરે, માત્ર ૩૫૩ કોરોના થયા છે: પશ્ચિમ બંગાળમાં પણ નજીવા ૨૩૪ કેસ: દેશભરમાં સર્વત્ર કોરોના કેસમાં એકધારો ઘટાડો નોંધાતો જાય છે: સૌથી ઓછા પુડુચેરીમાં ૨૪ અને હિમાચલમાં ૩૯ કોરોના કેસ આજે સવાર સુધીમાં નોંધાયા છે access_time 11:22 am IST

  • ખેડૂત આંદોલનના દિલ્હીની ગાઝીપુર બોર્ડર પરના આ છે તાજા દ્રશ્યો access_time 3:00 pm IST