Gujarati News

રાજકોટઃ પ્રજાસતાક પર્વ અંતર્ગત જયપુરના મનન ચતુર્વેદી દ્વારા રાજકોટ શહેરમાં બાલભવન નજીક એકધારા ૨૬ કલાકનો પેઈન્ટીંગ શો યોજાયો હતો. ૨૫મીના સાંજે ૪ વાગ્યાથી ૨૬મીના સાંજે ૬ વાગ્યા સુધી પેઈન્ટીંગ કર્યુ હતું. તેઓએ ૫૧ જેટલા ચિત્રો બનાવ્યા હતા. જેમાં મોટાભાગના ચિત્રો દેશના નિર્માણના સંદેશો પ્રસરાવતા હતા. ઉલ્લેખનિય છે કે મનન ચતુર્વેદી રખડતા- ભટકતા બાળકોને ઉછેરે છે. હાલમાં તેઓની સંસ્થામાં ૧૫૮ જેટલા બાળકો નિવાસ કરે છે. આ બાળકોના લાભાર્થે તેઓ વિવિધ સ્થળોએ જઈ પેઈન્ટીંગ કરે છે અને તેનું પ્રદર્શન- વેચાણ પણ યોજે છે. અકિલા પરિવારના મોભી શ્રી કિરીટભાઈ ગણાત્રા, અકિલાના યુવા પત્રકાર સુનિલ મકવાણા અને આર.સી.સી.બેન્કના સી.ઈ.ઓ શ્રી પુરૂષોત્તમભાઈ પીપરીયાએ પણ મુલાકાત લીધી હતી.