Gujarati News

Gujarati News

News of Friday, 27th November 2020

પતિને ઘરજમાઇ તરીકે રાખવા માટે ઝઘડા કરતી પૂજાએ સાસુને સોડામાં ઝેરી પદાર્થ ભેળવી પીવડાવ્યાનો આક્ષેપ

આજીડેમ ચોકડી પાસે માધવવાટીકામાં બનાવઃ પૂજાના પતિ રાજુભાઇનો આક્ષેપ-પત્નિ મને સતત ઘરજમાઇ તરીકે અમદાવાદ રહેવા દબાણ કરતી હતીઃ ઘરમાંથી ઘરેણા લઇ ભાગી ગઇ

રાજકોટ તા. ૨૭: આજીડેમ ચોકડી પાસે માધવ વાટીકા-૩માં રહેતાં વિદ્યાબેન  રામકુમાર રાજપૂત (ઉ.વ.૪૫)ને ઝેરી અસર સાથે સિવિલ હોસ્પિટલમાં ખસેડાયા છે. તેમણે પોતાને પુત્રવધૂ પૂજાએ સોડામાં ઝેરી પદાર્થ ભેળવીને પાઇ દીધાનો આક્ષેપ કરતાં આજીડેમ પોલીસે તપાસ શરૂ કરી છે.

વિદ્યાબેનના પુત્ર રાજુભાઇએ આક્ષેપો કરતાં જણાવ્યું હતું કે મારી પત્નિ પૂજાના માવતર અમદાવાદ રહે છે. મારે સંતાનમાં અગિયાર માસનો પુત્ર છે. પૂજા મને સતત અમદાવાદ તેના માવતરની સાથે ઘરજમાઇ તરીકે રહેવા સાથે આવવા દબાણ કરતી હતી. પણ હું મારા માતાને છોડીને ત્યાં જવા ઇચ્છતો નહોતો. ગઇકાલે હું કામે ગયો હતો ત્યારે મારા માતા વિદ્યાબેનને મારી પત્નિ પૂજાએ બહારથી સોડા-ઠંડુપીણુ લાવી તેમાં કંઇક ઝેરી પાવડર જેવું ભેળવીને પીવડાવી દીધું હતું. એ પછી તે ઘરમાથી જતી રહી હતી.

મને માતાએ જાણ કરતાં મેં ઘરે પહોંચી તેમને હોસ્પિટલે ખસેડ્યા હતાં. રાજુભાઇએ આક્ષેપ કર્યો છે કે પત્નિ ઘરમાંથી રોકડ-દાગીના પણ લેતી ગઇ છે.  આક્ષેપો અંગે પોલીસે વિશેષ તપાસ હાથ ધરી છે. પૂજાબેન મળ્યા બાદ સાચી વિગતો બહાર આવશે.

(3:33 pm IST)
  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • અર્ણવ ગોસ્વામીને મોટી રાહત આપતો સુપ્રિમ કોર્ટનો હુકમ : રીપબ્લીક ટીવીના પત્રકાર અર્ણવ ગોસ્વામીને આપવામાં આવેલા વચગાળાના જામીન જયાં સુધી મુંબઈ હાઈકોર્ટ ૨૦૧૮ના આત્મહત્યા માટે ફરજ પાડવાના કેસનો નિકાલ કરે નહિં ત્યાં સુધી ચાલુ રહેશે તેવો આદેશ સુપ્રિમ કોર્ટે આપ્યો છે access_time 12:51 pm IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST