Gujarati News

Gujarati News

News of Friday, 27th November 2020

રેલનગર વિસ્તારમાં બુલડોઝર ફેરવતી મહાપાલિકાઃ ૯૬ કરોડની જમીન ખુલ્લી

રહેણાંક મકાન, બગીચો, સાર્વજનિક પ્લોટ અને આવાસ યોજનાની અનામત જમીનોમાંથી દિવાલો, સહિતનાં ગેરકાયદે બાંધકામોનો કડુસલો

રાજકોટ તા. ર૭ :.. શહેરનાં રેલનગર વિસ્તારમાં આજે સવારે મ.ન.પા.ની ટાઉન પ્લાનીંગ શાખાએ પ જેટલાં ગેરકાયદે બાંધકામો દુર કરી કુલ ૯૬ કરોડની જમીનો ખુલ્લી કરાવી હતી.

આ અંગે ટી. પી. વિભાગની યાદીમાં જણાવાયુ છે કે, કમીશનરશ્રી ઉદિત અગ્રવાલની સુચના અનુસાર તથા ટાઉન પ્લાનીંગ ઓફીસર શ્રી એમ. ડી. સાગઠીયાના માર્ગદર્શન હેઠળ રાજકોટ મહાનગરપાલિકાની ટઉન પ્લાનીંગ શાખા દ્વારા આજ તા. ર૭ ના રોજ શહેરના સેન્ટ્રલ ઝોન વિસ્તાર પૈકી વોર્ડ નં. ૩ માં તથા ટી. પી. સ્કીમ નં. ૧૯ (રાજકોટ) માં ગેરકાયદેસર બાંધકામ દૂર કરવા કાર્યવાહી હાથ ધરવામાં આવેલ અને અંદાજે (છન્નું કરોડ ત્રણું લાખ પંચાણું હજાર રૂપિયા)ની કિંમતની જમીન ખુલ્લી કરવામાં આવેલ તથા વોર્ડ નં. ર માં આઝાદ ચોક પાસે વોટર -વે માં થયેલ દીવાલનું દબાણ તથા વોર્ડ નં. ૭ માં મંગળા રોડ પરનાં દુકાનોના પતરાનું દબાણ દુર કરવામાં આવેલ છે. જેની વિગતો આ મુજબ છે. (૧) ૧ર/એ (એસ. ઇ. ડબલ્યુ. એસ. એચ.) મુરલીધર સુચિત સોસા. પાસે, રેલનગર વિસ્તાર (ર) ૧ર-બી (એસ. ઇ. ડબલ્યુ. એસ. એચ.) મુરલીધર સૂચિત સોસા. પાસે, રેલનગર વિસ્તાર (૩) ર૯-બી (સોશિયલ ઇન્ફ્રાસ્ટ્રકચર) મુરલીધર સૂચીત સોસા. પાસે, રેલનગર વિસ્તાર (૪) ર૧-એ (બગીચા માટે) ભગવતી હોલ પાછળ, રેલનગર વિસ્તાર (પ) ૧૬-એ (રહેણાંક વેચાણ માટે) ભકિત. પાર્ક પાસે, રેલનગર વિસ્તાર તમામ મળી કુલ ર૭,૬૯૭, ૯૬,૯૩,૯પ,૦૦૦,  કરોડની જમીન ખુલ્લી કરાવાયેલ. આ કામગીરીમાં ટાઉન પ્લાનીંગ શાખાના સેન્ટ્રલ ઝોનનો તમામ સ્ટાફ હાજર રહેલ. આ ઉપરાંત દબાણ હટાવ શાખા, રોશની શાખા તેમજ બાંધકામ શાખાનો સ્ટાફ પણ સ્થળ પર હાજર રહેલ. તથા આ કામગીરી દરમ્યાન કાયદો અને વ્યવસ્થા જળવાય રહે તે માટે વિજીલન્સ શાખાનો સ્ટાફ સ્થળ પર હાજર રહેલ.

(3:37 pm IST)
  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • જામનગરની જાણીતી હોટલ રોયલ સ્ટેના માલિક નરેન્દ્રસિંહ પરમારનું દુઃખદ નિધન access_time 10:29 pm IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST