Gujarati News

Gujarati News

News of Friday, 27th November 2020

દેવદિવાળીના દિવસે ફટાકડા ફોડવા બાબતે પિતા-પુત્રને ત્રણ શખ્સોએ પાઇથી મારમાર્યો

માલધારી સોસાયટીમાં બનાવ : અશોક ભરવાડ, મહેશ ભરવાડ અને રવિ ભરવાડ સામે ગુનો

રાજકોટ,તા. ૨૭: માર્કેટ યાર્ડ પાસે માલધારી સોસાયટીમાં દેવદિવાળીના દિવસે રાત્રે ફટાકડા ફોડવા બાબતે પિતા-પુત્ર પર ત્રણ શખ્સોએ પાઇપ વડે હુમલો કરી તોડફોડ કર્યાની ફરિયાદ થઇ છે.

મળતી વિગત મુજબ માલધારી સોસાયટી શેરી નં.૧માં રહેતા નરશીંગદાસભાઇ ગોપાલદાસભાઇ પાંડે (ઉવ.૬૫) તા. ૨૫ના રોજ રાત્રે પોતાના ઘરે હતા. ત્યારે દેવદિવાળીના તહેવાર નિમિતે છોકરાઓ શેરીમાં ફટાકડા ફોડવા હોઇ, તેથી ફટાકડા ફોડવા બાબતે માલધારી સોસાયટીમાં રહેતા અશોક ઉર્ફે વિરમ ભરવાડ, મહેશ ઉર્ફે લાલો ભરવાડ અને રવિ ભરવાડે આવી નરશીંગદાસભાઇ સાથે બોલા ચાલી કરતા પુત્ર શંકરભાઇ વચ્ચે પડતા ત્રણેય શખ્સોએ લોખંડના પાઇપ વડે તથા ઢીકા પાટુનો માર માર્યો હતો અને ઘરમાં ઘુસી ડેલી અને દરવાજાને નુકશાન કરી નાશી ગયા હતા. આ બનાવ અંગે બી ડીવીઝન પોલીસે નરશીંગદાસભાઇની ફરિયાદ દાખલ કરી હેડ કોન્સ. વી.કે. સોલંકીએ તપાસ હાથ ધરી છે.

(2:46 pm IST)
  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • ' કૌન બનેગા કરોડપતિ ' શો વિવાદમાં : 64 લાખ રૂપિયાનો પ્રશ્ન : 1927 ની સાલમાં ડો.ભીમરાવ આંબેડકરના અનુયાયીઓએ કયા હિન્દૂ ધર્મગ્રંથના પાના બાળી નાખ્યા હતા ? : મહાનાયક અમિતાબ બચ્ચને હોટ સીટ ઉપરથી પૂછેલો પ્રશ્ન હિન્દુઓની ધાર્મિક લાગણી ઉશ્કેરનારો : મુઝફ્ફર કોર્ટમાં ફરિયાદ access_time 11:31 am IST