Gujarati News

રાજકોટ તા. ર૭: રાજકોટમાં સંખ્યાબંધ વેપારીઓને વેટ તંત્રે ઝપટે લીધા છે. એક મહત્વના સર્વે બાદ રાજકોટના તમામ પ્રકારના વેપારીઓને વેટ તંત્રે નોટીસો ફટકારતા દોડધામ મચી જવા પામી છે, અને આ નોટીસનો જવાબ શું આપવો, શું ખુલાસા કરવા તે અંગે વકિલો સમક્ષ આંટાફેરા શરૂ થઇ ગયાનું બહાર આવ્યું છે.

રાજકોટ વેટના જોઇન્ટ કમિશ્નર-ડીવીઝન-૧૧ના ત્રીવેદીની સુચના બાદ રાજકોટના ૩૦૦ જેટલા વેપારીઓ એવા છે કે જેમણે ખોટી વેરા શાખ લીધી છે, અને તેના પરીણામે આ તમામને કેમ વસુલાત ન કરવી તે અંગેની વેટ તંત્રે નોટીસો ફટકારી, તમામ પુરાવાઓ સાથે હાજર રહેવા જુદી જુદી તારીખો ફાળવી દીધી છે, વેટના સુત્રોના ઉમેર્યા પ્રમાણે ખોટી બેનીફિશયરી-ખરીદ કરનારના લાભમાં લઇ ગયાનું બહાર આવ્યું છે, રીયલ બાબતો તપાસી જે તે વેપારી પાસેથી વસુલાત કરાશે.