Gujarati News

Gujarati News

News of Monday, 27th July 2020

કનક રોડ પર ઇલેકટ્રીકના વેપારી ૨૩ વર્ષના બ્રિજેશ કારીયાનો ગળાફાંસો ખાઇ આપઘાત

સાંજે બહારથી ઘરે આવી ઉપરના માળે ગયોઃ માતા બોલાવવા ગયા ત્યારે લટકતો મળ્યોઃ હોસ્પિટલમાં મૃતદેહ જ પહોંચ્યોઃ પરિવારનો એકનો એક પુત્ર હતોઃ કારણ અકળ

રાજકોટ તા. ૨૭: જુના બસ સ્ટેશન પાછળ કનક રોડ પર મસ્જીદ સામે આશિષ બિલ્ડીંગમાં રહેતાં અને ઘર નજીક જ ભવાની ઇલેકટ્રીક નામે દૂકાન ચલાવતાં વેપારી બ્રિજેશ સંજયભાઇ કારીયા (ઉ.વ.૨૩) નામના યુવાને ગળાફાંસો ખાઇ આપઘાત કરી લેતાં પરિવારમાં કલ્પાંત સર્જાયો છે.

બ્રિજેશે સાંજે આ પગલુ ભરી લેતાં બેભાન હાલતમાં સિવિલ હોસ્પિટલમાં ખસેડાયો હતો. પરંતુ અહિ મૃતદેહ જ પહોંચ્યાનું તબિબે જાહેર કરતાં ગમગીની છવાઇ ગઇ હતી. હોસ્પિટલ ચોકીના વી.વી. જાડેજાએ જાણ કરતાં એ-ડિવીઝનના એએસઆઇ આર.આર. સોલંકી અને અશ્વિનભાઇએ જરૂરી કાર્યવાહી કરી હતી. આપઘાત કરનાર યુવાન માતા-પિતાનો એકનો એક પુત્ર હતો અને ઘર નજીક ઇલેકટ્રીકની દૂકાન ચલાવતો હતો. ગઇકાલે સાંજે ચારેક વાગ્યે ઘરે આવ્યા બાદ ઉપરના રૂમાં ગયો હતો.

એ પછી માતા તેને બોલાવવા ગયા ત્યારે પંખાના હુકમાં બાંધેલી દોરીમાં લટકતો દેખાતાં તેમણે દકેારો મચાવતાં ઘરના સભ્યો એકઠા થઇ ગયા હતાં અને બ્રિજેશને નીચે ઉતારી હોસ્પિટલે ખસેડ્યો હતો. પરંતુ તેનું મૃત્યુ થયાનું જાહેર કરાયું હતું. આપઘાતનું કારણ બહાર ન આવતાં પોલીસે તપાસ યથાવત રાખી છે.

(1:05 pm IST)
  • કોરોનાથી ભારે અસર ગ્રસ્ત રાજયોના મુખ્યમંત્રીઓ : ઉધ્ધવ ઠાકરે (મહારાષ્ટ્ર), મમતા બેનર્જી (પં.બંગાળ) અને યોગી આદિત્યનાથ (ઉ.પ્ર.) સાથે આજે નરેન્દ્રભાઇની વિડીયો કોન્ફરન્સ access_time 12:55 pm IST

  • રાજયમાં ગરબા થશે કે નહિં તે અંગે આજે મુખ્યમંત્રી સાથે ચર્ચા :ગરબા આયોજકો આજે વિજયભાઈ રૂપાણી સાથે ૨૦ મુદ્દા પર ચર્ચા કરશે access_time 2:40 pm IST

  • ફ્રાન્સમાં કોરોના ટેસ્ટ ફ્રીમાં થશેઃ ફ્રાન્સના સ્વાસ્થ્ય મંત્રીનું એલાન : ફ્રાન્સના સ્વાસ્થ્યમંત્રીએ કહ્યું કે જેને લક્ષણ નથી તેમના ટેસ્ટ પણ ફ્રીમાં થશે : ડોકટરના પ્રિસ્ક્રીપ્શનની જરૂર નહિં પડે : જે લોકોએ ટેસ્ટના પૈસા આપ્યા હશે તેને રીફન્ડ આપી દેવાશે access_time 2:41 pm IST