Gujarati News

Gujarati News

News of Monday, 27th May 2019

જોજો ચોમાસામાં તંત્ર ઉંઘતું ઝડપાય નહિં:સ્ટે. ચેરમેનની અધિકારીઓને તાકિદ

વોંકળા સફાઇ-જોખમી હોર્ડીંગ ત્થા જોખમી ઝાડ-જર્જરીત ઇમારતો દુર કરવા સહીતની કામગીરી અંગે ઉદય કાનગડ ખાસ બેઠક યોજશે

રાજકોટ તા. ર૭: આગામી ચોમાસાની ઋતુમાં ભારે વરસાદ અને વાવાઝોડાના સંભવિત સ્થિતિ વખતે મ્યુ. કોર્પોરેશનનું તંત્ર ત્થા ફાયર એન્ડ ઇમરજન્સી વિભાગ ઉંઘતો ઝડપાય નહિં તે માટે અત્યારથી જ પ્રી-મોન્શુન એકશન પ્લાનની કામગીરી શરૂ કરાવી દેવા માટે સ્ટેન્ડીંગ કમીટી ચેરમેન ઉદય કાનગડેઢ ચક્રો ગતીમાન કર્યા છે.

આ અંગે ઉદયભાઇ કાનગડે વિસ્તૃત વિગતો આપતા જણાવ્યું હતું કે ''ચોમાસાની ઋતુમાં ભારે વરસાદ અને તોફાની પવનની સ્થિતિમાં પુર અને હોર્ડીંગ બોર્ડ, ઝાડ ત્થા જર્જરીત ઇમારતો પડવાનાં બનાવો બનતાં હોય છે ત્યારે જાન-માલને મોટું નુકશાન થાય છે. આથી આવું નુકશાન અટકાવવાં મ્યુ. કોર્પોરેશન જે પ્રી-મોન્સુન એકશન પ્લાન બનાવે છે તેની કામગીરી અત્યારથી જ શરૂ કરાવી દેવા માટે આવતીકાલે સવારે તમામ સીટી ઇજનેરો ત્થા અન્ય ટેકનીકલ સ્ટાફ સાથે બેઠક યોજી અને શહેરમાં જોખમી હોર્ડીંગ્સ બોર્ડ, જોખમી વૃક્ષો અને જર્જરીત ઇમારતોને દૂર કરવાની કાર્યવાહી ત્થા વોંકળાઓની ઘનિષ્ઠ સફાઇ વગેરે કાર્યવાહી બાબત લાગતાં વળગતા અધિકારીઓને સુચનાઓ અપાશે.

(3:54 pm IST)
  • સેન્સેકસ રપ૦થી વધુ પોઇન્ટ અપઃ નીફટી ૮૪ અપઃ રૂપિયો ૬૯.પ૯ ઉપર : શેરબજારમાં તેજીનો દોરઃ બપોરે ર-૧પ કલાકે સેન્સેકસ ર૭૭ પોઇન્ટ વધીને ૩૯૭૧૧ અને નીફટી ૮૪ પોઇન્ટ વધીને ૧૧૯ર૮: ડોલર સામે રૂપિયો ૬૯.પ૯ ઉપર ટ્રેડ કરે છે આજે મનપસંદ બેવરેજના શેરોમાં ર૦ ટકાની લોઅર સર્કિટ લાગી છે access_time 4:02 pm IST

  • વડાપ્રધાન મોદીના સેન્ટ્રલ હોલના વક્તવ્યના મુસ્લીમ સંગઠને કર્યા વખાણ :જમિયત ઉલેમા એ હિન્દે પત્ર લખીને વડાપ્રધાન મોદીના અલ્પ સંખ્યક સમાજને લઇને આપેલ નિવેદનના વખાણ કર્યા :પત્રમાં એવી આશા વ્યક્ત કરાઈ છે કે સરકાર અલ્પ સંખ્યકોના શિક્ષણ,સ્વાસ્થ્ય અને રોજગારી પર વિશેષ ધ્યાન આપશે access_time 1:22 am IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST