Gujarati News

Gujarati News

News of Monday, 27th May 2019

ગંજીવાડામાં ઘર પાસે ગાળો બોલવાની ના પાડતા ચમાર દંપતિ પર પાઇપથી હુમલો

ભરતભાઇને હાથમાં અને પત્નિ સરોજબેનને માતા-આંખમાં ઇજાઃ અરવિંદ સારેસા સહિતના તૂટી પડ્યા

રાજકોટ તા. ૨૭: ગંજીવાડાના ચામુંડા ચોકમાં રહેતાં ભરતભાઇ નાથાભાઇ ગોહેલ (ઉ.૪૦) નામના ચમાર યુવાન અને તેના પત્નિ સરોજબેન ગોહેલ (ઉ.૩૯) પર રાત્રીના સાડા નવેક વાગ્યે પડોશી અરવિંદ સારેસા તથા બીજા ચાર અજાણ્યા શખ્સોએ પાઇપથી હુમલો કરતાં ભરતભાઇને હાથમાં અને તેના પત્નિને માથા તથા આંખમાં ઇજા થતાં બંનેને સિવિલ હોસ્પિટલમાં ખસેડાયા છે.  ભરતભાઇ સસ્તા અનાજની દૂકાનમાં નોકરી કરે છે. તેના કહેવા મુજબ અરવિંદ સારેસાનો ભાઇ નરેશ ઘર પાસે ગાળાગાળી કરી ખેલ કરતો હોઇ તેને સમજાવવા જતાં અરવિંદ સહિતનાએ ઉપરાણુ લઇ હુમલો કર્યો હતો. હુમલામાં પત્નિને આંખમાં ગંભીર ઇજા થયાનું અને તાકીદે ઓપરેશન કરવું પડ્યું હોવાનું ભરતભાઇએ જણાવ્યું હતું.

હોસ્પિટલ ચોકીના દેવશીભાઇ ખાંભલા અને અક્ષય ડાંગરે જાણ કરતાં થોરાળા પોલીસે ફરિયાદ નોંધવા તજવીજ કરી હતી.

(11:47 am IST)
  • રાહુલને અમદાવાદની કોર્ટમાં હાજરી આપવામાંંથી મુકિત : રાહુલ ગાંધી સામે બદનક્ષીના કેસનો મામલોઃ મેટ્રો પોલીટન કોર્ટમાં હાજર થવામાંથી મુકિત માંગીઃ નહેરૂની ૫૫મી વરસી હોવાથી માંગી મુકિતઃ કોર્ટે કારણો જોતા રાહુલ ગાંધીને મુકિત આપીઃ જુલાઇના બીજા સપ્તાહમાં સુનાવણી હાથ ધરાશે access_time 1:16 pm IST

  • શપથ ગ્રહણ કર્યા પહેલા મોદીએ કરી કાશીવિશ્વનાથની પૂજા-અર્ચનાઃ અમિતભાઇ શાહ અને યોગી આદિત્યનાથ પણ હાજર access_time 1:15 pm IST

  • મધ્યપ્રદેશની કોંગ્રેસ સરકાર પોતાનો પાંચ વર્ષનો કાર્યકાળ પૂરો કરશે :વિપક્ષ ખોટો ભ્રમ ઉભો કરવાની કોશિશ કરે છે :મધ્યપ્રદેશની સતારૂઢ કોંગ્રેસ પાર્ટીના મીડિયા વિભાગની અધ્યક્ષા શ્રીમતી શોભા ઓઝાએ કહ્યું કે લોકસભા ચૂંટણી પરિણામો બાદ ઉદભવેલી સ્થિતિમાં પણ કોંગ્રેસ સરકાર સ્થિર રહેશે અને પોતાનો પાંચ વર્ષ પુરા કરશે access_time 1:09 am IST