Gujarati News

રાજકોટઃ રાજકોટ શહેર ટેકસી ટ્રાવેલ્સ એસોસિએશને આરટીઓ કચેરી ખાતે એઆરટીઓ શ્રી લાઠીયાને લેખિત રજૂઆત કરી હાલના સંજોગોમાં ટેકસમાં કે ફીમાં કોઇપણ જાતનો વધારો ન કરવા અને જુના ટેકસ મુજબ રાહત આપવા માંગણી કરી છે. ધંધાર્થીઓએ જણાવ્યું છે કે મહામારીના સમયમાં સતત મહિનાઓ સુધી અમારો ટેકસી ટ્રાવેલ્સનો ધંધો ઠપ્પ રહ્યો હતો. હવે માંડ થોડો ધંધો રોજગાર મળતો થયો છે ત્યાં વધારાનો ટેકસ લાદવામાં આવી રહ્યો છે. હાલ ઘરનું ગુજરાન ચલાવવામાં પણ તકલીફો પડી રહી છે. ત્યારે મહામારી પુરતાં કોમર્શિયલ વ્હીકલના ટેકસ માફ કરી આપે અને સરકાર આ મામલે યોગ્ય વિચારણા કરે તેવી માંગણી-અનુરોધ કર્યો છે. તસ્વીરમાં ટેકસી ટ્રાવેલ્સ એસોસિએશના સભ્યો અને આવેદન સ્વીકારતા આરટીઓ અધિકારીશ્રી જોઇ શકાય છે.