Gujarati News

Gujarati News

News of Friday, 27th March 2020

ઘરમાંથી સેવાનો ટહુકાર : ભજનિક હેમંત ચૌહાણે ઘરમાં ફૂડ પેકેટ બનાવી ગરીબોમાં વિતરણ કર્યાં

સૌ પોતાના ઘરમાં રહીને આ મહામારીને લડત આપવા અપીલ કરી

રાજકોટ : કોરોના વાયરસે વિશ્વભરમાં હાહાકાર મચાવ્યો છે આ મહામારીએ ભારત સહિત દુનિયાના મોટાભાગના દેશોને ઝપટમાં લીધા છે હાલમાં લોકડાઉનની સ્થિતિમાં જાણીતા  ભજન સમ્રાટ હેમંત ચૌહાણ તથા તેમના પરિવાર દ્વારા રાજકોટમાં વસવાટ કરતા મજૂર વર્ગ તથા દરરોજનું કમાઇને ખાનારા લોકો માટે ફૂડ પેકેટ બનાવી વિતરણ કરવાનું શરૂ કર્યું છે.

  સાથે જ હેમંતભાઈ ચૌહાણે સમાજને એક નમ્ર અપીલ કરી છે કે, આપ સૌ પોતાના ઘરમાં રહીને આ મહામારીને લડત આપો તથા સરકારના દરેક પગલાંને મદદરૂપ બનો.

(11:42 pm IST)
  • મનરેગાના હજારો કરોડના ડ્યું 10 એપ્રિલ સુધીમાં ક્લીયર: 10 એપ્રિલ સુધીમાં મનરેગા યોજના હેઠળ બાકી રહેતા તમામ 11,499 કરોડની રકમો કેન્દ્ર સરકાર ચૂકવી આપશે : સત્તાવાર જાહેરાત access_time 8:26 pm IST

  • ગુજરાતના ગોધરા, વડોદરા, અમદાવાદ, દાહોદ, સુરત, રાજકોટ, મોરબી, જામનગર, જૂનાગઢ, કચ્છ, પોરબંદરમાં સીઆરપીએફ તૈનાત : કોરોના સંદર્ભે દેશભરમાં લોકડાઉન જાહેર કર્યુ છે, તેમ છતાં કેટલાક શહેરોમાં લોકો ગંભીરતા સમજ્યા વગર ચાલુ દિવસોની માફક સામુહિક રીતે ખરીદીમાં નિકળી પડે છે. એટલુ જ નહિં જે ડીસ્ટન્સ રાખવુ જોઈએ તેવું (એક મીટર) કરતાં નથી. પોલીસ સાથે ઉગ્ર દલીલો કરી રહ્યા છે. આવી પરિસ્થિતિમાં કર્ફયુ વગર લોકોને કંટ્રોલ કરવા અર્ધ લશ્કરી દળો તૈનાત કરવાનો રાજયના પોલીસ વડાએ નિર્ણય કર્યો છે. પ્રાપ્ત થતા નિર્દેશો મુજબ વડોદરામાં વણસી જતી પરીસ્થિતિને કન્ટ્રોલ કરવા પોલીસ કમિશ્નરશ્રી ગેહલોતે પોલીસ - સ્થાનિકો વચ્ચેનો સંઘર્ષ અટકાવવા માટે રેપીડ એકશન ફોર્સની એક ટુકડી તૈનાત કરાયાનું બહાર આવ્યુ છે. access_time 4:16 pm IST

  • આરોગ્ય અગ્રસચિવ જયંતિ રવિની પત્રકાર પરિષદ : ગુજરાત માટે રાહતના સમાચારઃ ગુજરાતમાં છેલ્લા ૨૪ કલાકમાં એક પણ કેસ નોંધાયો નથી : અત્યાર સુધી ગુજરાતમાં ૪૪ કેસ પોઝીટીવ access_time 1:04 pm IST