Gujarati News

રાજકોટ તા.૨૭: લોકસભા ચૂંટણીના પડધમ વાગી ચૂકયા છે, રાજકોટ લોકસભા બેઠકનું કાલે કલેકટરતંત્ર દ્વારા ચૂંટણી મતદાન પ્રક્રિયા-ફોર્મ ઉપાડ-ભરવા અંગેનું જાહેરનામું બહાર પાડવામાં આવશે, આ સાથે તંત્ર સાબદૂ બની ગયું છે.

કલેકટર કચેરીના સૂત્રોના ઉમેર્યા પ્રમાણે નવી કલેકટર કચેરીમાં કલેકટર ડો. રાહુલ ગુપ્તા તથા હડ કવાર્ટર એઆરઓ અને ડે. કલેકટર શ્રી પટેલ સમક્ષ એમ બે સ્થળેથી ફોર્મ મળી શકશે અને ભરી શકાશે, નોમીનેશન પ્રક્રિયા સમયેનો અલગથી સ્ટાફના ઓર્ડરો કલેકટર દ્વારા કરાયા છે.

મતદાન સમય અંગે માર્ગદર્શન મંગાતા, ચૂંટણી પંચે મતદાન સમય સવારે ૭ થી સાંજે ૬ સૂધીનો સમય રહેશે તેમ જાહેર કર્યું છે, લેખિત જાહેરાત કલેકટર તંત્ર દ્વારા દરેક રાજકીય પક્ષોને કાલે અપાશે.

કાલથી ફોર્મ ઉપાડ -ભરાવાની સાથે જ સ્ટેટીસ્કમ સ્કવોડ-ચેકિંગ્ સ્કવોડ કાર્યરત થઇ જશે, શહેર પોલીસ અને જિલ્લા પોલીસ એમ બંને દ્વારા કૂલ ૩૬ ચેક પોસ્ટ ઉભી કરી દેવાઇ છે.

રાજકોટ લોકસભા બેઠકમાં શહેર-જિલ્લામાં થઇને ૨૦૫૦ મતદાન મથકો અને ૧૮ લાખ ૬૫ હજાર મતદારો પોતાના મતાધિકારનો ઉપયોગ કરશે, મતદારોમાં તા. રપ સુધી આવી ગયેલા તમામ મતદારો હજુ ઉમેરાશે.

ચૂંટણી પંચે રાજકોટ લોકસભા બેઠક માટે બે નિરિક્ષકો જાહેર કર્યા છે, જનરલ ઓબર્ઝવરમાં પૂનાથી ડો. રૂષીકેશ યાદવ કાલે આવી રહ્યા છે, તો ખર્ચના નિરીક્ષક તરીકે રેવન્યુના શ્રી સુરેશ પેરીયા સ્વામી શનિવાર બાદ આવી પહોંચશે.

તંત્ર દ્વારા તૈયારીઓ શરૂ થઇ ગઇ છે, દરેક મતદાન મથકો બહાર ૧૦૦ મીટરના પટ્ટા લગાવી દેવાયા છે, મુક આચારસંહિતા ઉપરાંત કલેકટર કચેરીના પ્રથમમાળે કાલથી ચૂસ્ત પોલીસ બંદોબસ્ત પણ ગોઠવી દેવાશે.

  આગામી તા.૨૩/૪/૨૦૧૯ ના રોજ ૧૦-રાજકોટ સંસદીય બેઠક માટે લોકસભાની સામાન્ય ચૂંટણી-૨૦૧૯ અન્વયે મતદાન યોજાનાર છે. આ મહાપર્વમાં હાલ તા. ૩૧/૧/૨૦૧૯ની નોંધકણી મુજબ કુલ ૧૮૬૫૭૧૦ મતદારો નોંધાયા છે, જેમા ૯૭૦૯૫૮ પુરૂષ મતદારો , ૮૯૪૭૩૬ મહિલા મતદારો તથા ૧૬ થર્ડ જેન્ડર મતદારોનો સમાવેશ થાય છે.

૧૦-રાજકોટ સંસદિય મતદાર વિભાગમાં કુલ ૮ વિધાનસભા મતદાર વિભાગોનો સમાવેશ થાય છે. આમ વિધાનસભા મતદાર વિભાગ મુજબ જોઇએ તો ૬૬-ટંકારા વિધાનસભા મતદાર વિભાગમાં ૧૧૯૦૧૬ પુરૂષ મતદારો, ૧૧૧૨૮૬ મહિલા મતદારો તથા ૨ થર્ડ જેન્ડર મતદારો મળી કુલ ૨૩૦૩૦૪ મતદારોનો સમાવેશ થાય છે. ૬૭-વાંકાનેર વિધાનસભા મતદાર વિભાગમાં ૧૩૧૪૩૯ પુરૂષ મતદારો, ૧૨૦૭૯૯ મહિલા મતદારો તથા ૨ થર્ડ જેન્ડર મતદારો મળી કુલ ૨૫૨૨૭૪ મતદારોનો સમાવેશ થાય છે, રાજકોટ પૂર્વ વિધાનસભા મતદાર વિભાગમાં ૧૪૧૪૨૫ પુરૂષ મતદારો, ૧૨૫૯૭૩ માહિલા મતદારો તથા ૧ થર્ડ જેન્ડેર મતદારો મળીકુલ ૨૩૭૩૬૯ મતદારોનો સમાવેશ થાય છે. ૬૯-રાજકોટ પશ્ચિમ વિધાનસભા મતદાર વિભાગમાં ૧૬૫૨૩૭ પુરૂષ મતદારો, ૧૫૯૨૪૭ મહિલા મતદારો તથા ૪ થર્ડ જેન્ડર મતદારો મળીકુલ ૩૨૪૪૮૮ મતદારોનો સમાવેશ થાય છે. ૭૦-રાજકોટ દક્ષિણ  વિધાનસભા મતદાર વિભાગમાં ૧૨૬૪૩૫ પુરૂષ મતદારો, ૧૧૯૧૧૬ મહિલા મતદારો તથા ૪ થર્ડ જેન્ડર મતદારો મળી કુલ ૨૪૫૫૫૫ મતદારોનો સમાવેશ થાય છે. ૭૨-રાજકોટ ગ્રામ્ય વિધાનસભા મતદાર વિભાગમાં ૧૬૪૩૭૫ પુરૂષ મતદારો, ૧૪૭૮૦૭ મહિલા મતદારો તથા ૨ થર્ડ જેન્ડર મતદારો મળી કુલ ૩૧૨૧૮૪ મતદારોનો સમાવેશ થાય છે, જયારે ૭૨-જસદણ વિધાનસભા મતદાર વિભાગમાં ૧૨૨૯૩૧ પુરૂષ મતદારો ૧૧૦૬૦૪ મહિલા મતદારો તથા ૧ થર્ડ જેન્ડર મતદારો મળી કુલ ૨૩૩૫૩૬ મતદારોનો સમાવેશ થાય છે, આમ ૧૦-રાજકોટ સંસદીય મતવિસ્તારમાં કુલ ૧૮૬૫૭૧૦ મતદારોનો સમાવેશ થાય છેે.