Gujarati News

Gujarati News

News of Saturday, 27th February 2021

વાવણીથી લઇ પાક વેચાણ સુધી ખેડુતોનું હિત જોતી

ભાજપ સરકારનું ઋણ મતદાનથી ઉતારવા ખેડુતો માટે કાલે મહામુલો અવસર : રાજુ ધ્રુવ

રાજકોટ તા. ૨૭ : ગુજરાતમાં સ્થાનિક સ્વરાજયની ચૂંટણીમાં ૬ મહાનગરપાલિકામાં ભાજપનો ભગવો લહેરાયા બાદ જિલ્લા અને તાલુકા પંચાયતની ચૂંટણીમાં ભાજપનો પ્રચંડ બહુમતી સાથે વિજય નિશ્ચિત હોવાનો વિશ્વાસ વ્યકત સૌરાષ્ટ્ર ભાજપના પ્રવકતા રાજુભાઇ ધ્રુવે વ્યકત કરેલ છે.

તેમણે જણાવ્યુ કે ભારતીય જનતા પાર્ટીએ હંમેશને માટે છેવાડાના માનવી સુધી પહોંચવા પ્રયાસ કર્યા છે. જે રીતે શહેરનો જેટ ગતિએ વિકાસ થઇ રહ્યો છે તે જ રીતે ગામડાનો પણ વિકાસ થાય એ ભાજપની પ્રાથમિકતા છે. ગામડાઓમાં પણ ૨૪ કલાક વીજળી, પાણી, રસ્તા, ગટર, સારા સ્વાસ્થ્ય અને શિક્ષણની સુવિધા શ્રેષ્ઠતમ રીતે મળી રહે તે માટે સરકાર પ્રયત્ન કરી રહી છે. એટલા માટે જ આવતીકાલે જિલ્લા પંચાયત, તાલુકા પંચાયતની ચૂંટણીમાં સૌરાષ્ટ્રની જનતા ફરી એક વખત ભાજપને મત આપી નિર્ણાયક સરકારને વિકાસની તક આપી પ્રચંડ બહુમતી સાથે સતા પર બેસાડશે.

સૌરાષ્ટ્રના તમામ ખેડૂતો સુધી રાજય સરકાર સૌની યોજના મારફત નર્મદા નીર પહોંચાડી પુરી પાડી રહી છે. ખેડૂતોને દિવસે વીજળી મળી રહે તે માટે હાથ ધરાયેલી કિસાન સૂર્યોદય યોજના પુરજોસમાં કામ કરી રહી છે. ખેડૂતોના પાકને જંગલી પશુઓ અને જીવજંતુઓ કરડવાના ત્રાસમાંથી મુકિત આપવા ખેતર ફરતે કાંટાળી વાડની યોજના અમલમાં મૂકી છે.   આમ વાવણીથી લઇ ખેતીના પાકના વેચાણ સુધી સરકાર ખેડુતોની ખેવના કરી રહી છે. ત્યારે આવતીકાલે ખેડુતો બદલામાં મતોની વર્ષા કરી પંચાયતોની બેઠકમાં ભાજપને જીતાડશે. તેવો દ્રઢ આશાવાદ પ્રવકતા રાજુભાઇ ધ્રુવે વ્યકત કર્યો છે.

(2:49 pm IST)
  • બે દાયકા પહેલા રાજનાથસિંહે બાળક લીધો હતો દત્તક : તેના લગ્નમાં પહોંચી આશીર્વાદ આપ્યા :રક્ષામંત્રી રાજનાથસિંહે કહ્યું હું જયારે ઉત્તરપ્રદેશનો મુખ્યમંત્રી હતો ત્યારે વિજેન્દરના અભ્યાસનો ખર્ચ ઉઠાવવા નક્કી કર્યું હતું : આજે ડોક્ટર તરીકે જોઈને ખુબ ખુશી થઇ છે access_time 12:40 am IST

  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST

  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST