Gujarati News

Gujarati News

News of Saturday, 27th February 2021

લતીપર નજીક 'હિટ એન્ડ રન'ની ઘટનામાં અજાણ્યા વાહને બાઇકને ઉલાળતા જીતેશભાઇનું મોત

યુવાને રાજકોટની હોસ્પિટલમાં દમ તોડી દીધો

રાજકોટ, તા.૨૭: જામનગરના લતીપર નજીક 'હિટ એન્ડ રન'ની ઘટનામાં અજાણ્યા વાહનના ચાલકે બાઇકને ઠોકર મારતા લતીપર ગામના યુવાનનું રાજકોટની સિવિલ હોસ્પિટલમાં મોત નિપજયુ હતું.

મળતી વિગત મુજબ લતીપર ગામમાં રહેતા જીતેશભાઇ મંગાભાઇ રામાણી (ઉ.વ.૩૫) ગઇકાલે પોતાનું બાઇક લઇને ગોકુલપરા પાસે પોતાની વાડીએથી લતીપર જવા માટે નિકળ્યા હતા ત્યારે લતીપર નજીક કોઇ અજાણ્યા વાહનના ચાલકે બાઇકને ઉલાળતા જીતેશભાઇ ફંગોળાઇ જતા તેને માથા તથા શરીરે ઇજા થઇ હતી. બનાવ બનતા ચાલક વાહન લઇને ભાગી ગયો હતો. બનાવ બનતા આસપાસના લોકો એકઠા થઇ ગયા હતા અને યુવાનને સારવાર માટે રાજકોટની ખાનગી હોસ્પિટલમાં ખસેડાયા હતા ત્યાં પોતાનું સારવાર દરમ્યાન મોત નિપજયું હતું. આ બનાવ અંગે બી ડીવીઝન પોલીસ મથકના હેડ કોન્સ વિક્રમસિંહ તથા કિશનભાઇએ પ્રાથમિક કાગળો કરી ધ્રોલ મોકલવા તજવીજ હાથ ધરી છે.

(2:44 pm IST)
  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST