Gujarati News

Gujarati News

News of Saturday, 27th February 2021

કાલાવડ રોડ એક હોટલ અને ત્રણ દુકાનોના તાળા તુટયા

તસ્કરો હોટલ, પાનની, સ્ટેશનરી અને જમીન મકાનની ઓફીસના તાળા તોડી પરચુરણ ઉઠાવી ગયા : પોલીસને જાણ કરાઇ

રાજકોટ, તા. ર૭ :  શહેરના કાલાવડ રોડ પર મોટા મવા સ્મશાન નજીક કોમ્પ્લેક્ષમાં આવેલી ચાર દુકાનોને નિશાન બનાવી તસ્કરો પરચુરણ ચોરી જતા પોલીસને જાણ કરવામાં આવી છે.

મળતી વિગતો મુજબ કાલાવડ રોડ પર મોટા મવા સ્મશાન પાસે મટુકી રેસ્ટોરન્ટની સામે આવેલા કોમ્પ્લેક્ષમાં પરમદિવસે મોડી રાત્રે તસ્કરોએ મુળજીભાઇ શકની ચાની હોટલ અને શીવગંગા પાન નામની દુકાનના શટરના તાળા તોડી તેમાંથી અંદાજે ૧૦૦ થી ર૦૦નું પરચુરણ તથા  રમેશભાઇ કોરાટની ઇશ્વર સ્ટેશનરી દુકાનના તાળા તોડી અંદાજે ર૦૦નું પરચુરણ અને ઉપરના માળે વિપુલભાઇ દેસાઇની વી.એમ. પ્રોપર્ટી નામની ઓફીસના તાળા તોડી તેમાં સામાન વેર વિખેર કરી પરચુરણ ઉઠાવી ગયા હતા બાદ ગઇકાલે દુકાન માલીકો રાબેતા મુજબ દુકાને આવ્યા ત્યારે શટરના તાળા તૂટેલા જોતા દુકાનની અંદર સામાન પણ વેરવિખેર જોતા ચોરી થઇ હોવાની ખબર પડી હતી બાદ વેપારીઓએ જાણ કરતા તાલુકા પોલીસે સ્થળ પર પહોંચી સ્થળ પર પહોંચી સીસી ટીવી ફૂટેજની ચેક કરતા તેમાં બે શખસો દેખાયા હતા. આ બનાવ અંગે તાલુકા પોલીસે તપાસ આદરી છે.  આજ કોમ્પ્લેક્ષમાં અગાઉ પણ ચોરી થઇ હોવાનું જાણવા મળ્યું છે.

(2:41 pm IST)
  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST

  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST