Gujarati News

Gujarati News

News of Wednesday, 27th January 2021

મિરા ઈન્ડસ્ટ્રીઝ એરીયામાં વેલ્ડીંગ વખતે ડીઝલની ટાંકી ફાટતા પતરૂ ઉડીને ટ્રક ચાલકના ગળામાં ઘુસી ગયું: મોત

રાજસ્થાનનો ટ્રક ચાલક ઉમેદસિંહ રાજપૂત ટ્રક પાર્ક કરી ટ્રાન્સપોર્ટની ઓફિસ બહાર બેઠો'તો ને કાળ ભેટી ગયો

રાજકોટ, તા. ૨૭ :. થોરાળાના મીરા ઈન્ડસ્ટ્રીઝ એરીયામાં રાજસ્થાનથી ટ્રક લઈને માલ ભરવા માટે આવેલો ટ્રક ચાલક ટ્રક પાર્ક કરી ટ્રાન્સપોર્ટની ઓફિસ બહાર બેઠો હતો ત્યારે સામે એક ટ્રકમાં વેલ્ડીંગ વખતે બ્લાસ્ટ થતા ડીઝલની ટાંકીનું પતરૂ ઉડીને ટ્રક ચાલકના ગળાના ભાગે ઘુસી જતા મોત નિપજતા અરેરાટી વ્યાપી ગઈ છે.

મળતી વિગત મુજબ રાજસ્થાનના નાથદ્વારા તાલુકાના મકાતા ગામે રહેતા ઉમેદસિંહ રતનસિંહ રાજપુત (ઉ.વ. ૪૦) ગઈકાલે પોતાનો ટ્રક લઈને રાજકોટ મીરા ઈન્ડસ્ટ્રીઝ એરીયામાં આવેલ જયંત નેસ્ટ નામની ટ્રાન્સપોર્ટની ઓફિસે માલ ભરવા માટે આવ્યો હતો. માલ ભરવા માટે વાર લાગતા પોતે ટ્રક સાઈડમાં પાર્ક કરીને ટ્રાન્સપોર્ટની ઓફિસની બહાર ઉમેદસિંહ અને તેનો કલીનર બન્ને ઓટા ઉપર બેઠા હતા, ત્યારે સામે એક ટ્રક કે જેની ડીઝલની ટાંકીમાં વેલ્ડીંગ કામ ચાલતુ હતું, ત્યારે અચાનક ટાંકીમાં બ્લાસ્ટ થતા ટાંકીનંુ પતરૂ ઉડીને ટ્રક ચાલક ઉમેદસિંહના માથાની ડાબી બાજુ ગળાના ભાગે લાગતા તેને ગંભીર ઈજા થતા તેનુ ઘટના સ્થળે જ મોત નિપજ્યુ હતું. બનાવ બનતા આસપાસના લોકો એકઠા થઈ ગયા હતા અને કોેઈએ જાણ કરતા થોરાળા પોલીસ મથકના પીએસઆઈ કે.કે. પરમાર તથા રાઈટર દર્શનભાઈએ સ્થળ પર પહોંચી કાર્યવાહી કરી હતી.

(12:03 pm IST)
  • IPLનું ૧૮ ફેબ્રુઆરીએ ચેન્નાઇમાં ઓકશન : આઈપીએલ ૨૦૨૧નું ઓકશન ૧૮ ફેબ્રુઆરીએ ચેન્નાઈમાં યોજાશે : મુંબઈ ઈન્ડિયન, ચેન્નાઈ, કોલકતા સહિત ૮ ટીમો તેમાં ભાગ લેશે : તાજેતરમાં જ દરેક ટીમોએ પોતાના ખેલાડીઓને રીલીઝ અને રીટર્ન કર્યા છે access_time 4:08 pm IST

  • આજે વિજયભાઇ રૂપાણીની અધ્યક્ષતામાં કેબિનેટ બેઠકઃ સ્થાનિક સ્વરાજની ચૂંટણીની તૈયારીઓ અંગે ચર્ચા કરશે, ધોરણ ૯ અને ૧૧ ની સ્કૂલો શરૂ કરવા અંગે પણ ચર્ચા થશેઃ ૪ મહાનગરોમાં કર્ફયુ અંગે પણ નિર્ણય લેવાઇ શકે છે access_time 11:20 am IST

  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST