Gujarati News

Gujarati News

News of Thursday, 26th November 2020

દેવ દિવાળીએ ફટાકડા ફોડવા મામલે મારામારીઃ વૃધ્ધ પૂજારી સહિત બે ઘવાયા

માલધારી સોસાયટીમાં બનાવઃ વિરમ અને નરસીદાસ પાંડેને ઇજા

રાજકોટ તા. ૨૬: દેવ દિવાળીની રાતે માલધારી સોસાયટીમાં ફટાકડા ફોડવા બાબતે માથાકુટ બાદ મારામારી થતાં વૃધ્ધ પૂજારી સહિત બે ઘાયલ થતાં સિવિલ હોસ્પિટલમાં ખસેડાયા હતાં.

જુના યાર્ડ નજીક કાનાભાઇના ગાર્ડન પાછળ બાપા સિતારામ ચોક માલધારી સોસાયટીમાં રહેતાં અને મંદિરમાં સેવાપૂજા કરતાં નરસીદાસ ગોપાલદાસ પાંડે (ઉ.વ.૬૫)ને પડોશી વિરમ રાઠોડ, લાખા  અને રવિએ ઝઘડો કરી ઢીકા-પાટુ અને પાઇપથી માર મારતાં સિવિલ હોસ્પિટલમાં દાખલ થયા હતાં.

સામા પક્ષે વિરમ લાખાભાઇ રાઠોડ (ઉ.વ.૨૨) પણ પોતાના પર નરસીદાસ પાંડેએ ધારીયા-ધોકાથી હુમલો કરી ઇજા કર્યાની રાવ સાથે સારવાર લીધી હતી. નરસીદાસના કહેવા મુજબ ઘર પાસે વિરમ સહિતના ફટાકડા ફોડતા હોઇ નાની છોકરી ડરી જતી હોવાથી તેને દૂર જઇને ફટાકડા ફોડવાનું કહેતાં હુમલો કર્યો હતો. પોલીસે બંને પક્ષના નિવેદન નોંધવા તજવીજ કરી હતી.

(12:57 pm IST)
  • વર્ચ્યુઅલ એક્સપો 2020 એક વર્ષના સમયગાળા માટે ૧ ડિસેમ્બરથી શરૂ થશે : ફિકી દ્વારા નેટ ઉપર એન્યુઅલ વર્ચ્યુઅલ એક્સપો 2020 એક વર્ષના સમયગાળા માટે 11 ડિસેમ્બર 2020 ના રોજ શરૂ થશે. access_time 11:30 pm IST

  • મુંબઈ પોલીસના ૪ કર્મચારીઓને લાંચના ગુનામાં એન્ટી કરપ્શન બ્યુરોએ ઝડપી લીધા access_time 4:02 pm IST

  • કાશ્મીરના પૂર્વ મુખ્યમંત્રી મહેબૂબ મુફ્તીને ઝટકો : પીડીપી પાર્ટીના ત્રણ નેતાઓએ રાજીનામુ આપ્યું : ધમન ભસીન ,ફલૈલ સિંહ ,તથા પ્રીતમ કોટવાલે પાર્ટી સાથે છેડો ફાડ્યો access_time 1:36 pm IST