Gujarati News

Gujarati News

News of Tuesday, 26th November 2019

આંબેડકરનગર પાસેથી સચીન અને માર્કેટ યાર્ડ પાસેથી દિપક વરલીનો જુગાર રમતા પકડાયા

રાજકોટ તા. ર૬: દોઢસો ફૂટ રોડ પર આંબેડકરનગર જવાના રોડના ખૂણેથી માલવીયાનગર પોલીસે બાવાજી શખ્સને અને પેરોલ ફરલો સ્કવોડે માર્કેટીંગ યાર્ડ સામે બગીચામાંથી ઓડ શખ્સને વરલીનો જુગાર રમતા પકડી લીધા હતા.

મળતી વિગત મુજબ માલવીયા નગર પોલીસી મથકના પીઆઇ એન. એન. ચુડાસમાના માર્ગદર્શન હેઠળ એએસઆઇ વી. પી. ઝાલા તથા દેવાભાઇ ધરજીયા સહિત પેટ્રોલીંગમાં હતા ત્યારે બાતમીના આધારે દોઢસો ફૂટ રોડ પર આંબેડકરનગર જવાના રોડના ખુણા પાસે દરોડો પાડી સચીન કાંતીભાઇ દાણીધારીયા (ઉ.વ. ૩પ) (રહે. લાભદીપ સોસાયટી શેરી નં. ૩, મવડી ચોકડી પાસે) ને વરલીના આંકડા લખી જુગાર રમતા પકડી લઇ રૂ. ર૧ર૦ની રોકડ સહિતની મત્તા કબજે કરી હતી.

જયારે બીજા દરોડામાં પોલીસ કમિશનર મનોજ અગ્રવાલની સુચનાથી પેરોલ ફરલો સ્કવોડના પીએસઆઇ એમ. એસ. અંસારી, હેડ કોન્સ. બાદલભાઇ, ધર્મેન્દ્રસિંહ, બીકુલભાઇ, દિગ્વીજયસિંહ, મહંમદ અઝરૂદીનભાઇ બુખારી, જયપાલસિંહ, મયુરસિંહ, ધીરેનભાઇ, કિશોરદાન ગઢવી તથા જગદીશભાઇ ગઢવી સહિત પેટ્રોલીંગમાં હતા ત્યારે પીએસઆઇ એમ. એસ. અંસારી, મહંમદ અઝરૂદીનભાઇ અને જયપાલસિંહને મળેલી બાતમીના આધારે દોઢસો ફૂટ માર્કેટીંગ યાર્ડ સામે આવેલ બગીચામાં દરોડો પાડી વરલીના આંકડા લખી જુગાર રમતા દિપક ગોવિંદભાઇ ચૌહાણ (ઉ.વ.ર૪) (રહે. રામનાથપરા જુની જેલ સામે ભવાનીનગર-૪) ને પકડી લઇ રૂ. ૪ર૩૦ ની રોકડ સહિતની મતા કબ્જે કરી કાર્યવાહી કરી હતી.

(3:48 pm IST)
  • ગુજરાત હાઇકોર્ટે સ્વામી નિત્યાનંદની બે મહિલા શિષ્યાઓને શોધી કાઢવા ભારતીય એલચી કચેરીઓની મદદ લેવા આદેશ આપ્યો : આ બંને પુખ્ત વયની યુવતિઓના માતા-પિતાએ તેમની પુત્રીઓનો કબ્જો મેળવવા હાઇકોર્ટમાં અપીલ કરી હતી access_time 4:29 pm IST

  • મુંબઈથી લખનૌ જતી ગો એરની ફ્લાઈટમાં એક એન્જીન બંધ થઇ જતા અને એન્જીન ઓવર લિમિટ જતા મુંબઈ એરપોર્ટ પર ફૂલ ઇમર્જન્સી જાહેર કરવામાં આવેલ સદ્ભાગ્યે વિમાને સહી-સલામત ઉતરાણ કર્યું છે કોઈને ઇજા થઇ નથી access_time 10:25 pm IST

  • શું નરેન્દ્રભાઈને શપથવિધિમાં નિમંત્રણ આપશો ? : જવાબમાં શિવસેનાના સંજય રાઉતે કહ્યું કે અમે મોદીજીને જ નહીં બધાને નિમંત્રણ આપશું,અમે અમિત શાહજીને પણ બોલાવશું access_time 10:28 pm IST