Gujarati News

Gujarati News

News of Saturday, 26th September 2020

મંડપ, કેટરીંગના વેપારીઓને રાહત પેકેજ આપો, નહિં તો તમામ રાજકીય કાર્યક્રમોનો બહિષ્કાર

ઈલેકટ્રીક, મંડપ, સાઉન્ડ, વિડીયોગ્રાફી વિ. ધંધાર્થીઓ આંદોલનના માર્ગે : ભુજમાં સરકારી કાર્યક્રમનો વિરોધ કરતા અનેક વેપારીઓની અટકાયતઃ રાજકોટ અને અમદાવાદમાં મીટીંગો કરી વેપારીઓ આગામી રણનીતિ નકકી કરશે

રાજકોટ,તા.૨૬: લગ્ન, ઈવેન્ટમાં છુટછાટ આપો અને મંડપ, કેટરીંગના વેપારીઓને રાહત પેકેજ આપવાની માંગ સાથે મંડપ, ડેકોરેશન, ઈલેકટ્રીક સહિતના વેપારીઓએ તમામ રાજકીય કાર્યક્રમોનો બહિષ્કાર કર્યો છે.

ભૂજમાં રાજકીય કાર્યક્રમ યોજાનારા હતો. દરમિયાન સાઉન્ડ સિસ્ટમ્સ, એલઈડી અને મંડપના વેપારીઓએ સાઉન્ડ સિસ્ટમ્સ, એલઈડી સહિતની ચીજવસ્તુઓ ફરીથી કાઢી નાખવામાં આવી હતી. આ તમામ વેપારીઓએ મંડપ એસો.ને ટેકો આપ્યો હતો. વેપારીઓએ વિરોધ સાથે સુત્રોચ્ચાર કરતાં અનેકની અટકાયત કરવામાં આવી હતી.

દરમિયાન રાજકોટ મંડપ એસોસીએશનના પ્રમુખ શ્રી દિપકભાઈ પટેલે જણાવ્યું હતું કે મંડપ, વિડીયોગ્રાફી સહિત ઈવેન્ટ સાથે જોડાયેલ તમામ વેપારીઓએ રાજકીય કાર્યક્રમોનો બહિષ્કાર કરી દીધો છે. નાની- મોટી ઈન્ડસ્ટ્રીઝને પેકેજ આપવામાં આવે છે. તો મંડપ એસો.ને પણ પેકેજ આપવામાં આવે તેવી અમારી માંગણી છે.

લોકડાઉનથી તમામ વેપારીઓના ધંધા- રોજગાર બંધ છે. આર્થિક સંકડામણના લીધે વેપારીઓ આત્મહત્યા કરવા લાગ્યા છે. દિવસેને દિવસે વેપારીઓની આર્થિક સ્થિતિ બગડતી જાય છે.

મંડપ, ઈલેકટ્રીક, સાઉન્ડ, વિડીયોગ્રાફી, કેટરીંગના સૌરાષ્ટ્રના વેપારીઓની રાજકોટમાં અને ગુજરાત તરફના વેપારીઓની મીટીંગ અમદાવાદમાં મળનાર છે. જેમાં આગામી રણનીતિ નકકી કરવામાં આવશે.  તેમ જણાવ્યું હતું.

(3:36 pm IST)
  • રામોજી ગ્રુપના અધ્યક્ષ રામોજી રાવે એસપી બાલાસુબ્રમણ્યમના નિધન પર શોક વ્યક્ત કર્યો: રામોજી રાવે કહ્યું, 'હું નિરાશ છું કે બાલાસુબ્રમણ્યમ હવે નથી. તે મારા નિકટના મિત્ર હતા. એક પ્રખ્યાત ગાયક જ નહીં, તે મારા ભાઈ જેવા હતા. તે મને પ્રેમથી ગળે લગાવતા હતા access_time 1:05 pm IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • ભારતના પૂર્વ વડાપ્રધાન મનમોહન સિંઘનો આજે જન્મદિવસ : 26 સપ્ટે.1932 ના રોજ પંજાબમાં જન્મ થયો હતો : 2004 થી 2014 ની સાલ દરમિયાન દેશના વડાપ્રધાન તરીકે ફરજ બજાવી હતી : ચોમેરથી શુભ કામનાઓનો વરસી રહેલો ધોધ access_time 12:09 pm IST