Gujarati News

Gujarati News

News of Saturday, 26th September 2020

આવતા અઠવાડીએ સીમાંકનના આખરી આદેશઃ મતદાર યાદી પ્રસિધ્ધી

કોર્પોરેશન અને તાલુકા-જિલ્લા પંચાયતોની ચૂંટણીની તૈયારીને વેગ આપતુ ચૂંટણી પાંચ : વાંધા-સૂચનોનો નિકાલ આખરી આદેશમાં જઃ બેઠકોના રોટેશન બાબતે વ્યકિતગત જવાબ આપવાનું શરૂ

રાજકોટ તા. ર૬ :.. રાજય ચૂંટણી પંચ દ્વારા તાલુકા-જીલ્લા પંચાયતો અને મ્યુ. કોર્પોરેશનોની ચૂંટણીની તૈયારીને વેગ આપવામાં આવ્યો છે.

રાજયમાં રાજકોટ સહિત છ મહાનગરો ૩૧ જીલ્લા પંચાયતો અને ર૩૦ જેટલી તાલુકા પંચાયતો સહિતની સ્થાનીક સ્વરાજયની સંસ્થાઓમાં નવેમ્બર-ડીસેમ્બર ચૂંટણી કરવા પાત્ર થાય છે.

જે મહાનગર કે પંચાયતની હદમાં ફેરફાર થયેલ ત્યાં નવા સીમાંકન માટે ગઇ તા. ૩ નાં રોજ પ્રાથમિક આદેશ બહાર પાડવામાં આવેલ. હવે આવતાં અઠવાડીયે આખરી આદેશ અને પ્રાથમિક મતદાર યાદીની પ્રસિધ્ધી થનાર છે.

રાજકોટ મહાનગર અને જીલ્લા પંચાયત બન્નેની હદમાં ફેરફાર થયો છે. આવી જેટલી સંસ્થાઓ છે.

ત્યાં નવુ સીમાંકન કરવામાં આવ્યુ છે. જેના માટે પ્રાથમિક આદેશ બહાર પાડયા બાદ વાંધા સુચનો મંગાવાયેલ રાજકિય પક્ષો સાથે ઓનલાઇન પરામર્સ કરવામાં આવેલ.

સીમાંકન બાબતે જે વાંધા સુચનો આવ્યા છે તેનો જે તે કલેકટરનાં અભિપ્રાયનાં આધારે અભ્યાસ કરી આખરી નિર્ણય કરાશે.

આવતાં અઠવાડીયે સીમાંકન બાબતનું આખરી જાહેરનામુ બહાર પાડવામાં આવે ત્યારે વાંધા સુચનો કરનારને પોતાની રજૂઆતનાં પરિણામનો ખ્યાલ આવી જશે.

બેઠકોનાં જ્ઞાતિ આધારીત રોટેશન બાબતે વાંધા-સુચનો માંગવાની જોગવાઇ નથી છતાં કેટલીક બેઠકો અંગે વાંધા સૂચનો આવતાં ચૂંટણીપંચ દ્વારા જે તે રજૂઆત કરનાર વ્યકિત કે પક્ષને નિયમોની જોગવાઇ ટાંકીને જવાબો આપવાની કાર્યવાહી ચાલુ છે.

આવતાં અઠવાડીયે વિધાનસભાની મતદાર યાદીનાં આધારે પ્રાથમિક મતદાર યાદી પ્રસિધ્ધ કરાશે. જેનાં અનુસંધાને મતદારો પોતાની કોઇ રજૂઆતો હોય તો કહી શકશે.

અત્રે ઉલ્લેખનીય છે કે ર૦૧પ નાં વર્ષમાં તા. રર નવેમ્બરે કોર્પોરેશનોનું ત્થા ર૯ નવેમ્બરે તાલુકા જીલ્લા પંચાયતોનું મતદાન થયેલ બંન્નેનું પરિણામ ૬ ડીસેમ્બરે જાહેર થયુ હતું.

આ વખતે ચૂંટણી સમયસર યોજાય તો આ તારીખોની નજીકનું જ સમય પત્રક જળવાઇ રહેશે.

(3:33 pm IST)
  • " સપનોકા સૌદાગર " : કોંગ્રેસ આગેવાન દિગ્વિજય સિંહે શ્રી નરેન્દ્ર મોદીને આપી ઉપમા : લોકોનું ધ્યાન ડાઇવર્ટ કરવા બધું અગાઉથી નક્કી જ હોય છે : કોરોનાનો કહેર વધ્યો તો સુશાંત સુશાંત : ચીને જવાનોને માર્યા તો રિયા રિયા : જીડીપી 23 ટકા તો કંગના કંગના : કિસાનો સડક ઉપર તો દીપિકા દીપિકા : એટલે જ તો " સપનોકા સૌદાગર " access_time 12:20 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST

  • ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી : મુખ્તારને જેલમાંથી મુક્ત કરો નહીં તો 24 કલાકમાં ખતમ કરી નાખશું : ધમકીમાં અભદ્ર ભાષાનો ઉપયોગ : પોલીસ ચક્રો ગતિમાન : આરોપી હાથવેંતમાં હોવાનો દાવો access_time 12:44 pm IST