Gujarati News

Gujarati News

News of Saturday, 26th September 2020

હવે બીનજરૂરી કોરોના ટેસ્ટ બંધ : આરોગ્ય કેન્દ્રમાં જ તંત્ર ધ્યાન આપશે

૨૧ આરોગ્ય કેન્દ્રો પર પ્રભારી અધિકારીને ફરજ સુપ્રત : ફકત શંકાસ્પદ વ્યકિતના કોરોના ટેસ્ટઃ પોઝિટિવ દર્દીને ૩ હજારની ફેવિપેરાવીર ટીકડીઓનો કોર્ષ વિનામૂલ્યે કરાવી સાજા કરવાનું શરૂ

રાજકોટ તા. ૨૬ : શહેરમાં હવે ધીમેધીમે કોરોના સંક્રમણની અસરકારકતા ઓછી થતી હોઇ અને મોટાભાગના ટેસ્ટમાં માઇલ્ડ કોરોના પોઝિટિવ આવતા હોવાથી મ.ન.પા.ના તંત્રએ હવેથી આડેધડ ગમે તેને કોરોના ટેસ્ટ કરવાનું બંધ કરી દીધું છે અને માત્ર આરોગ્ય કેન્દ્રની સેવાઓ ઉપર જ ધ્યાન કેન્દ્રીત કરવાનો નિર્ણય લેવાયો છે. આથી શહેરનાં તમામ ૨૧ આરોગ્ય કેન્દ્રમાં ૨૧ પ્રભારી અધિકારીઓને ફરજ સોંપી દેવાઇ છે. હવે આ અધિકારીઓ વોર્ડમાં ફરવાને બદલે માત્ર આરોગ્ય કેન્દ્રમાં જ બેસશે.

મ.ન.પા.ના આરોગ્ય અધિકારીના જણાવ્યા મુજબ હવે માત્ર શંકાસ્પદ એટલે કે જે વ્યકિતને સતત ત્રણ દિવસથી તાવ ઉતરતો ન હોય, શરદી - ઉધરસ, શ્વાસમાં તકલીફ વગેરે હોય તેવા વ્યકિતઓનો જ કોરોના ટેસ્ટ કરવાનું શરૂ કરાયું છે અને જે વ્યકિત પોઝિટિવ આવે તેના નજીકના સંપર્કવાળાનો ટેસ્ટ કરવાનો નિર્ણય લેવાયો છે.

આ ઉપરાંત મ.ન.પા.ના આરોગ્ય તંત્રએ હવે મહત્વની સેવા શરૂ કરી છે. જેમાં કોરોના પોઝિટિવ આવેલ વ્યકિતને રૂ. ૩૦૦૦ની કિંમતની 'ફેવિપેરાવીર' ગોળીઓનો પાંચ દિવસનો કોર્ષ વિનામૂલ્યે કરાવવાનું શરૂ કરી દેવાયું છે. જેના કારણે દર્દીઓ જલ્દીથી ફરી સ્વસ્થતા કેળવી લેશે.

(2:55 pm IST)
  • દિલ્હીના 2 કરોડ નાગરિકોને કેજરીવાલ સરકારની મોટી ભેટ : હવેથી 24 કલાક પાણી મળશે : પાણી વિતરણ માટે બાબા આદમના વખતની ટેક્નોલોજીના સ્થાને અદ્યતન ટેક્નોલોજી અમલી બનાવાશે : પાણીની પાઈપ લાઈન ખોલવા માટે હેન્ડલ ઘુમાવવાને બદલે સેન્ટ્રલાઈઝડ સિસ્ટમ લાગુ કરાશે : કર્મચારી ઓફિસમાં બેઠા બેઠા રિમોટ કંટ્રોલથી કામગીરી સંભાળશે access_time 12:35 pm IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • ચીનની હુઆવે રિસર્ચ લેબોરેટરીમાં ભીષણ આગ : લેબોરેટરી બિલ્ડિંગમાંથી નીકળતા ધુમાડાના ગોટાઓ આકાશને આંબ્યાં : અનેક ફાયર બ્રિગેડ આગ બુઝાવવાની કામગીરીમાં : 3 મોત : આગના કારણ અંગે હજુ સુધી સરકાર દ્વારા કોઈ સ્પષ્ટતા કરાઈ નથી access_time 1:08 pm IST