Gujarati News

Gujarati News

News of Saturday, 26th September 2020

છેતરપીંડી - વિશ્વાસઘાતના ગુન્હામાં આરોપીની આગોતરા જામીન અરજી મંજુર

રાજકોટ તા. ર૬: છેંતરપીડી તથા વિશ્વાસઘાતના ગુન્હામાં આરોપીની જામીન અરજી સેસન્સ કોર્ટે મંજુર કરી હતી.

રાજકોટ શહેરના ભકિતનગર પો. સ્ટે.માં આઇ.પી.સી. કલમો ૪૦૬, ૪ર૦, ૪૬પ, ૪૬૭, ૪૭૧ મુજબના ગુન્હાની ફરીયાદ વિમલ ઉર્ફે વિમલેશ ઇન્દુભાઇ મહેતા, સામે નોંધાયેલ હતી. ફરીયાદમાં જણાવેલ વિગત અનુસાર આ કામના ફરીયાદી દિલીપભાઇ બાબુલાલ ચાવડા એ આ કામના આરોપીના પિતા સાથે પરીચિત હોય શ્રી વિમલ ઉર્ફે વિમલેશ ને તેમના ઘરે જઇ તમારૃં બેંક KYC કરાવવા તમારા ડોકયુમેન્ટની જરૂર છે તેમ કહેતા ફરીયાદીએ ડોકયુમેન્ટ ભરેલ થેલી આપતા તે થેલીમાંથી આરોપીએ રાજ બેંક તથા આઇ.ઓ.બી. બેંકની ચેકો બુકમાંથી કોરા ચેક કાઢી લઇ તે ચેકોમાં ફરીયાદીની ખોટી સહીઓ કરી તે ચેકોનો બેંકમાં ખરા તરીકે ઉપયોગ કરી (વટાવી) રૂ. ૧૪,૭૦,૦૦૦/- ઉપાડી લઇ તેમાંથી આરોપીએ અમુક રકમ બેંકમાં જમા કરાવી દઇ બાકી બેંકની રકમ રૂ. ૮,૭૦,૦૦૦/- ઓળવી જઇ છેતરપીંડી અને વિશ્વાસઘાત કરી ફરીયાદીની ખોટી સહી વાળા ચેકોનો ખરા તરીકે ઉપયોગ કરી ગુન્હો કર્યાની ફરીયાદ નોંધાવેલ હતી.

ફરીયાદ સંબંધે આરોપીની ધરપકડ કરતા આરોપીએ રાજકોટના ડીસ્ટ્રીકટ એન્ડ સેસન્સ જજની કોર્ટમાં જામીન અરજી દાખલ કરેલ. જેથી અરજદાર/આરોપીના જામીન મંજુર કરવા જોઇએ અને મુળ ફરીયાદી તરફે તેમના વિ. વકીલશ્રી દ્વારા જવાબ-વાંધા રજુ કરવામાં આવેલ હતા. આમ, કોર્ટે બંને પક્ષોની દલીલો સાંભળી આરોપીની જામીન અરજી મંજુર કરેલ હતી.

આ કામે અરજદાર/આરોપી વતી રાજકોટના ધારાશાસ્ત્રી શ્રી તુષાર બસલાણી, મનીષ કોટક, સંજય મહેતા, એઝાઝ જુણાચ, અલી અસગર ભારમલ, જગદીશ પડીયા વકીલો રોકાયેલા.

(2:46 pm IST)
  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST

  • ભારતના પૂર્વ વડાપ્રધાન મનમોહન સિંઘનો આજે જન્મદિવસ : 26 સપ્ટે.1932 ના રોજ પંજાબમાં જન્મ થયો હતો : 2004 થી 2014 ની સાલ દરમિયાન દેશના વડાપ્રધાન તરીકે ફરજ બજાવી હતી : ચોમેરથી શુભ કામનાઓનો વરસી રહેલો ધોધ access_time 12:09 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST